জন্মদিনত অল্লু অৰ্জুনে তেওঁৰ পৰৱৰ্তী ছবি ‘ৰাকা’ৰ কথা ঘোষণা কৰি অনুৰাগীক আচৰ্যচকিত কৰি তুলিলে। পৰিচালক এটলীৰ সৈতে নিৰ্মাণ কৰা এই ছবিখনৰ ফাৰ্ষ্ট লুক পোষ্টাৰখনো মুকলি কৰা হৈছিল, য’ত অল্লু অৰ্জুনৰ আজিলৈকে আটাইতকৈ অনন্য আৰু আচৰিত অৱতাৰটো প্ৰদৰ্শিত হৈছিল।
মুকলি কৰা পোষ্টাৰখনত অল্লু অৰ্জুনক দেখা গৈছে অন্ধকাৰ আৰু তীব্ৰ ৰূপত। মুখৰ এটা অংশ পহুৰ দৰে নোম আৰু চোকা নখ থকা হাত এখনেৰে আবৃত, আনহাতে কোহল ৰিমযুক্ত চকু দুটাই মূল কেন্দ্ৰবিন্দু। এই লুকটোৰ লগতে তেওঁৰ হাফ বাল্ড লুক আৰু ৰাফ হেয়াৰষ্টাইলে ছবিখনৰ ৰহস্যময় আৰু হাই অক্টেন একচনৰ ইংগিত দিয়ে।
বিশেষকৈ দীপিকা পাডুকনকো মূল চৰিত্ৰত দেখা পোৱাৰ বাবে ছবিখনে ইতিমধ্যে ইয়াৰ স্কেল আৰু তাৰকা শক্তিৰ বাবে হুলস্থুলৰ সৃষ্টি কৰিছে। এইবাৰ প্ৰথমবাৰৰ বাবে আল্লু অৰ্জুন আৰু দীপিকাক একেলগে ডাঙৰ পৰ্দাত দেখা পোৱা যাব, যিয়ে দৰ্শকৰ উত্তেজনা আৰু অধিক ইন্ধন যোগাব।
পুষ্পাৰ দৰে ব্লকবাষ্টাৰ ছবিৰ সফলতাৰ পিছত অল্লু অৰ্জুনৰ এই প্ৰজেক্টৰ প্ৰতি আশা বহুল। সমগ্ৰ কেৰিয়াৰত ধাৰাবাহিকভাৱে নতুন নতুন বস্তুৰ পৰীক্ষা-নিৰীক্ষা কৰি অহা অভিনেতাগৰাকীয়ে পুনৰবাৰ প্ৰমাণ কৰিলে স্বকীয় আৰু জীৱনতকৈও ডাঙৰ চিনেমা সৃষ্টিৰ দক্ষতা। ৰাকাক দৰ্শকৰ বাবে এক দৃশ্যগত উপহাৰ হোৱাৰ প্ৰতিশ্ৰুতি দিয়া এক গ্ৰেণ্ড প্যান-ইণ্ডিয়া চিনেমাৰ অভিজ্ঞতা হিচাপে বিকশিত কৰা হৈছে।
हिन्दुस्थान समाचार / মনোজ কুমাৰ শইকীয়া
