হায়দৰাবাদ, ০৫ মাৰ্চ (হি.স.)। অভিষেক মনু সিংভী আৰু ভেম নৰেন্দ্ৰ ৰেড্ডীয়ে বৃহস্পতিবাৰে তেলেংগানাৰ পৰা কংগ্ৰেছ ৰাজ্যসভাৰ প্ৰাৰ্থী হিচাপে বিধানসভাত ৰিটাৰ্নিং অফিচাৰ উপেন্দ্ৰ ৰেড্ডীৰ ওচৰত মনোনয়ন পত্ৰ দাখিল কৰে।
অহা ১৬ মাৰ্চত অনুষ্ঠিত হ’বলগীয়া ৰাজ্যসভা নিৰ্বাচনৰ বাবে বিধান পৰিক্ৰমা মন্ত্ৰী ডি শ্ৰীধৰ বাবুৰ নেতৃত্বত তেলেংগানা বিধানসভাত অভিষেক সিংৱী আৰু ৰেড্ডীয়ে এই প্ৰক্ৰিয়া সম্পূর্ণ কৰে৷ নৰেন্দ্ৰ ৰেড্ডী তেলেংগানাৰ মুখ্যমন্ত্ৰী এ ৰেৱন্ত ৰেড্ডীৰ ঘনিষ্ঠ সহযোগী আৰু উপদেষ্টা।
মনোনয়ন পত্ৰ দাখিল কৰাৰ পাছত বিধানসভা চৌহদত সংবাদ মাধ্যমৰ সৈতে বাৰ্তালাপত নৰেন্দ্ৰ ৰেড্ডীয়ে হাইকমাণ্ডক ধন্যবাদ জনায়। তেওঁ কয় যে দলৰ আশীৰ্বাদত তেওঁক ৰাজ্যসভাত প্ৰৱেশৰ সুযোগ দিয়া হৈছে। অভিষেক সিংভীয়ে তেওঁক দ্বিতীয়বাৰৰ বাবে সুযোগ দিয়াৰ বাবে হাইকমাণ্ডক ধন্যবাদ জ্ঞাপন কৰে। তেওঁ কয় যে তেওঁ তেলেংগানা সমাজ আৰু তেলেংগানাৰ জনসাধাৰণৰ ওচৰত ঋণী। তেওঁ কয় যে তেওঁ তেলেংগানাৰ উন্নয়নৰ বাবে কাম কৰিব।
তেলেংগানা বিধানসভাত কংগ্ৰেছৰ পৰ্যাপ্ত সংখ্যাগৰিষ্ঠতা আছে গতিকে সিংৱী আৰু নৰেন্দ্ৰ ৰেড্ডী সৰ্বসন্মতিক্ৰমে নিৰ্বাচিত হোৱাৰ সম্ভাৱনা আছে।
हिन्दुस्थान समाचार / মনোজ কুমাৰ শইকীয়া
