ইছলামাবাদ, ০৮ জানুৱাৰী (হি.স.)। পাকিস্তানৰ প্ৰধানমন্ত্ৰী শ্বাহবাজ শ্বৰীফে চৰকাৰ আৰু পদচ্যুত প্ৰধানমন্ত্ৰী ইমৰান খানৰ দল পাকিস্তান তেহৰিক-ই-ইনছাফৰ মাজত আলোচনাত অনুমোদন জনাইছে। প্ৰধানমন্ত্ৰীয়ে অধ্যক্ষ চৰ্দাৰ আয়াজ ছাদিকক আলোচনাৰ নেতৃত্ব দিবলৈ কৰ্তৃত্ব প্ৰদান কৰিছে, চৰকাৰী প্ৰতিনিধি দলেও অংশগ্ৰহণ কৰিছে।

এই তথ্য দুনিয়া নিউজত প্ৰকাশ পাইছে। প্ৰতিবেদন অনুসৰি কেৱল নিৰ্বাচিত প্ৰতিনিধিৰ সৈতেহে আলোচনা অনুষ্ঠিত হ’ব। অধ্যক্ষৰ কাৰ্যালয়ৰ সূত্ৰই জনোৱা মতে, এতিয়ালৈকে কোনো পিটিআই নেতাই অধ্যক্ষৰ সৈতে আনুষ্ঠানিকভাৱে আলোচনাৰ বাবে যোগাযোগ কৰা নাই। বিৰোধী দলে কাষ চাপিলে অধ্যক্ষ আয়াজ ছাদিকে ততাতৈয়াকৈ বৈঠক আহ্বান কৰিব। এই বৈঠক অধ্যক্ষৰ কক্ষত অনুষ্ঠিত হ’ব। উল্লেখযোগ্য যে অধ্যক্ষৰ সৈতে পিটিআইৰ অন্তিমখন বৈঠক আছিল মাহমুদ আচাকজাইক বিৰোধী দলৰ নেতা হিচাপে নিযুক্তি দিয়া।

ইফালে প্ৰধানমন্ত্ৰীৰ ৰাজনৈতিক পৰিক্ৰমা উপদেষ্টা তথা চিনেটৰ ৰানা ছানাউল্লাহ খানে বিৰোধীৰ সৈতে ৰাজনৈতিক আলোচনাত মিলিত হ’বলৈ আৰু গণতন্ত্ৰক আগুৱাই নিবলৈ চৰকাৰ সম্পূৰ্ণৰূপে সাজু বুলি উল্লেখ কৰিছে। ছানাউল্লাই লগতে কয় যে এতিয়া পিটিআইৰ ওপৰত নিৰ্ভৰশীল যে তেওঁলোকে আলোচনাত মিলিত হ’ব বিচাৰে নে নকৰে।

हिन्दुस्थान समाचार / অৰৱিন্দ