গোৱালপাৰা, ০৮ জানুৱাৰী (হি.স.)। গোৱালপাৰা জিলাৰ কৃষ্ণাইত নিষিদ্ধ ড্ৰাগছৰ বিৰুদ্ধে আৰক্ষীৰ অভিযান চলে ৷ এই অভিযানত নিষিদ্ধ ড্ৰাগছ সহ এটা সৰবৰাহকাৰীক গ্ৰেপ্তাৰ কৰে আৰক্ষীয়ে ৷

পশ্চিম গোৱালপাৰা আৰক্ষী অধীক্ষক অভিলাষ বৰুৱা আৰু কৃষ্ণাই আৰক্ষীয়ে যৌথ ভাবে এক গোপন সূত্ৰৰ পম খেদি কৃষ্ণাই অঞ্চলত অভিযান চলায়৷ অভিযানত কৃষ্ণাই- মেন্দিপথাৰ সংযোগী পথৰ মাজত ১৩টা কন্টেইনাৰ ভৰ্তি হে'ৰইন জব্দ কৰাৰ লগতে এটা সৰবৰাহকাৰী আটক কৰে ৷

ড্ৰাগছ সৰবৰাহকাৰীটো গুৰিয়া প্ৰথম খণ্ডৰ ভেল্টাৰঘাটৰ জমেৰ আলী (২৯) বুলি পৰিচয় পোৱা গৈছে ৷ জমেৰ আলীৰ জিম্মাৰ পৰা আৰক্ষীয়ে ১৩টা কন্টেইনাৰ ভৰ্তি হেৰ’ইন (ড্ৰাগছ) আৰু এটা পালচাৰ বাইক উদ্ধাৰ কৰে ৷ ইতিমধ্যে আৰক্ষীয়ে ড্ৰাগছ সৰবৰাহৰ অপৰাধত গোচৰ ৰুজু কৰি জমেৰ আলীক গ্ৰেপ্তাৰ কৰিছে ৷

---------------

হিন্দুস্থান সমাচাৰ / প্ৰকাশ ডেকা