কাৰাকাছ (ভেনিজুৱেলা), ০৬ জানুৱাৰী (হি.স.)। ভেনিজুৱেলাৰ ৰাজধানী কাৰাকাছৰ ৰাষ্ট্ৰপতি ভৱন পেলাচিঅ’ ডি মিৰাফ্ল’ৰেছৰ সমীপত বন্দুকৰ গুলী আৰু তীব্ৰ বিস্ফোৰণৰ শব্দ শুনা গৈছে। এই ঘটনা আমেৰিকাৰ সেনাই ৰাষ্ট্ৰপতি নিকোলাছ মাদুৰোক আক্ৰমণ কৰি বন্দী কৰাৰ দুদিন পিছত সংঘটিত হৈছে । ইফালে উপ-ৰাষ্ট্ৰপতি ডেলচি ৰড্ৰিগেজে অন্তৱৰ্তীকালীন সভাপতিৰ ভূমিকা গ্ৰহণ কৰিছে। ভেনিজুৱেলাৰ নিৰাপত্তা বাহিনীয়ে কয় যে পৰিস্থিতি সম্পূৰ্ণৰূপে নিয়ন্ত্ৰণত আছে। আমেৰিকাই এই কাণ্ডৰ লগত কোনো ধৰণৰ জড়িততা নাই বুলি উল্লেখ কৰিছে।

চিএনএনৰ এক প্ৰতিবেদন অনুসৰি, এটা পৰীক্ষিত ভিডিঅ’ত কাৰাকাছৰ ওপৰত বিমান বিৰোধী গুলীচালনা দেখা গৈছে। আন এটা পৰীক্ষিত ভিডিঅ’তো ৰাজধানীত বন্দুকৰ গুলীচালনা দেখা গৈছে। এজন নাগৰিকে নিশ্চিত কৰিছে যে তেওঁ মিৰাফ্ল’ৰেছ ৰাষ্ট্ৰপতি ভৱনৰ ওচৰৰ উৰ্ডানেটা এভিনিউৰ ওচৰত বন্দুকৰ গুলীৰ শব্দ শুনিছিল। এটা প্ৰতিবেদনত কোৱা হৈছে যে ভুল বুজাবুজিৰ বাবে নিৰাপত্তাৰক্ষীয়ে গুলীচালনা কৰে। এক সূত্ৰৰ মতে, ৰাষ্ট্ৰপতি ভৱনৰ ওপৰত ড্ৰোন দেখা পোৱাৰ পিছতে এই গুলীচালনা কৰা হয়।

মন কৰিবলগীয়া যে বিমান বিৰোধী গুলী এটা প্ৰতিৰক্ষামূলক ব্যৱস্থা। ইয়াক শত্ৰুৰ বায়ু প্ৰতিৰক্ষা (যেনে বিমান, মিছাইল, বা ড্ৰোন) ধ্বংস কৰিবলৈ ব্যৱহাৰ কৰা হয়।

হোয়াইট হাউছৰ এগৰাকী বিষয়াই কয় যে আমেৰিকাই এই ঘটনাৰ ওপৰত তীক্ষ্ণ দৃষ্টি ৰাখিছে। বিষয়াগৰাকীয়ে স্পষ্ট কৰি দিয়ে যে আমেৰিকা জড়িত নহয়। ইফালে, ভেনিজুৱেলাৰ তথ্য মন্ত্ৰালয় আৰু বৈদেশিক মন্ত্ৰালয়ে এতিয়াও কোনো মন্তব্য কৰা নাই।

हिन्दुस्थान समाचार / মনোজ কুমাৰ শইকীয়া