নতুন দিল্লী, ১১ জানুৱাৰী (হি.স.)। প্ৰধানমন্ত্ৰী নৰেন্দ্ৰ মোডীয়ে সোমনাথ স্বাভিমান পৰ্বৰ অংশ হিচাপে আয়োজন কৰা অনুষ্ঠানত অংশগ্ৰহণৰ বাবে শনিবাৰে নিশা উপস্থিত হয় । তেওঁ ওমকাৰ (ভগৱানৰ নাম স্মৰণ) জপত অংশ লৈছিল। তাৰ পিছত তেওঁ ড্ৰ’ন শ্ব’ প্ৰত্যক্ষ কৰে। মন্দিৰ পৰিসৰত অনুষ্ঠিত এই ড্ৰ’ন শ্ব’ত সোমনাথ মন্দিৰৰ ১০০০ বছৰীয়া ইতিহাসৰ আভাস প্ৰদৰ্শন কৰা হয়। আজি দেওবাৰে প্ৰধানমন্ত্ৰী মোদীয়ে সোমনাথ মন্দিৰত পুৱাৰ ভাগত পূজা অৰ্চনা কৰিব। ইয়াৰ পিছত তেওঁ শোভা যাত্ৰাত অংশগ্ৰহণ কৰিব।
অনুষ্ঠানৰ সময়ত দূৰ-দূৰণিৰ পৰা ৰাইজে প্ৰধানমন্ত্ৰীক উষ্ম আদৰণি জনায়। কণ্ঠশিল্পী হন্সৰাজ ৰঘুবংশীয়ে তেওঁৰ ভজনেৰে দৰ্শকক মোহিত কৰিছিল, আৰু তেওঁৰ গীতত ৰাইজে নাচিছিল। শনিবাৰে সোমনাথত উপস্থিত হোৱাৰ লগে লগে প্ৰধানমন্ত্ৰী মোদীয়ে ৰাইজৰ উৎসাহ আৰু আদৰণিৰ বাবে ধন্যবাদ জ্ঞাপন কৰে। নিজৰ এক্স একাউন্টত ফটো শ্বেয়াৰ কৰি তেওঁ কয় যে, সোমনাথ স্বাভিমান পৰ্বৰ শুভক্ষণ উপলক্ষে সোমনাথ মন্দিৰ পৰিসৰত অনুষ্ঠিত হোৱা ভৱ্য আৰু ঐশ্বৰিক ড্ৰোন শ্ব'টো প্ৰত্যক্ষ কৰাৰ সৌভাগ্য হৈছিল। এই আচৰিত অনুষ্ঠানটোৰ প্ৰতি আমাৰ প্ৰাচীন বিশ্বাসৰ সৈতে আধুনিক প্ৰযুক্তিৰ মিশ্ৰণে সকলোকে মন্ত্ৰমুগ্ধ কৰি তুলিছিল। পবিত্ৰ সোমনাথৰ পৰা নিৰ্গত এই পোহৰৰ ৰশ্মিয়ে সমগ্ৰ বিশ্বলৈ ভাৰতৰ সাংস্কৃতিক শক্তিৰ বাৰ্তা প্ৰেৰণ কৰিছে। দ্বিতীয়টো টুইটত তেওঁ ওমকাৰৰ জপৰ কথা উল্লেখ কৰি কয় যে ওম হৈছে আমাৰ বেদ, শাস্ত্ৰ, পুৰাণ, উপনিষদ, বেদান্তৰ সাৰমৰ্ম।
ওম হৈছে ধ্যান-ধাৰণাৰ মূল আৰু যোগৰ ভেটি। ওম হৈছে সাধনাত লক্ষ্য।
ওম হৈছে ব্ৰহ্মক প্ৰতিনিধিত্ব কৰা শব্দ।
ওমেৰেই আমাৰ মন্ত্ৰৰ আৰম্ভণি আৰু শেষ হয়।
আজি সোমনাথ স্বাভিমান পৰ্বৰ সময়ত ১০০০ ছেকেণ্ডৰ বাবে সামূহিকভাৱে ওমকাৰ ধ্বনি জপ কৰাৰ সৌভাগ্য লাভ কৰিলোঁ। ইয়াৰ শক্তি স্পন্দন কৰি মোৰ অন্তৰ্নিহিত আত্মালৈ আনন্দ কঢ়িয়াই আনিছে।
ওম তত সত!
ইয়াৰ পূৰ্বে প্ৰধানমন্ত্ৰী মোদীয়ে সোমনাথ ট্ৰাষ্টৰ সদস্যসকলৰ সৈতেও এক বৈঠকত মিলিত হৈছিল।
हिन्दुस्थान समाचार / অৰৱিন্দ
