তেলেগু ছুপাৰষ্টাৰ নন্দমুৰি বালকৃষ্ণৰ বহু প্ৰত্যাশিত ছবি অখণ্ড ২ৰ মুক্তি হঠাতে স্থগিত ৰখাত তেওঁৰ অনুৰাগী স্তম্ভিত হৈ পৰে। ৫ ডিচেম্বৰত ছবিখন ছবিগৃহত মুক্তি পোৱাৰ কথা আছিল যদিও মুক্তিৰ মাত্ৰ কেইঘণ্টামান পূৰ্বে প্ৰযোজকসকলে ছ’চিয়েল মিডিয়াত অনিৰ্দিষ্টকাললৈ স্থগিত ৰখাৰ কথা ঘোষণা কৰে। ২০২১ চনত মুক্তি পোৱা অখণ্ড ছবিখনে বক্স অফিচত ব্যাপক সফলতা লাভ কৰিছিল, ইয়াৰ ছিকুৱেলৰ বাবে অপৰিসীম প্ৰত্যাশাৰ সৃষ্টি কৰিছিল। শেষ মুহূৰ্তত পিছুৱাই দিয়াটো অনুৰাগীৰ বাবে অত্যন্ত হতাশাজনক আছিল।
প্ৰযোজকৰ আনুষ্ঠানিক বিবৃতিঃ
ছবিখনৰ দলটোৱে ছ'চিয়েল মিডিয়াত এটা আৱেগিক পোষ্ট শ্বেয়াৰ কৰি লিখিছে, গধুৰ হৃদয়েৰে আমি আপোনালোকক জনাইছো যে আমি আপোনালোকক জনাইছো যে অনিবাৰ্য পৰিস্থিতিৰ বাবে অখণ্ড ২ নিৰ্ধাৰিত তাৰিখত মুক্তি পাব নোৱাৰিব। আমি বুজি পাওঁ যে অপেক্ষাৰত দৰ্শকৰ বাবে এইটো কিমান হতাশাজনক। আমি পৰিস্থিতি সমাধানৰ বাবে অক্লান্তভাৱে কাম কৰি আছো। ইয়াৰ পূৰ্বে ছবিখনৰ প্ৰিমিয়াৰ শ্ব’ও হঠাতে বাতিল কৰা হৈছিল, যাৰ ফলত জনসাধাৰণৰ চিন্তা আৰু অধিক বৃদ্ধি পাইছিল।
খবৰ অনুসৰি মাদ্ৰাজ উচ্চ ন্যায়ালয়ৰ নিৰ্দেশত ছবিখনৰ মুক্তি পিছুৱাই দিয়া হৈছে। ইৰ’ছ ইণ্টাৰনেশ্যনেল মিডিয়া লিমিটেডে দাখিল কৰা আবেদনৰ পিছতে আদালতে ছবিখনৰ প্ৰদৰ্শন বন্ধ কৰি দিয়ে। বিষয়টো ইৰ’ছৰ পক্ষত হোৱা পুৰণি মধ্যস্থতা বিবাদৰ সৈতে জড়িত, আৰু কোম্পানীটোৱে প্ৰায় ২৮ কোটি ₹ (১৪ শতাংশ সুতকে ধৰি) দিব লাগিছিল। বাকী থকা ধন নিষ্পত্তি নোহোৱালৈকে ‘অখণ্ড ২’ৰ মুক্তি স্থগিত কৰিবলৈ নিৰ্দেশ দিছে আদালতে।
हिन्दुस्थान समाचार / অৰৱিন্দ
