২০২৬ চনত বক্স অফিচত তীব্ৰ প্ৰতিদ্বন্দ্বিতা দেখিবলৈ পোৱা যাব। কিয়নো ৰণবীৰ সিঙৰ শেহতীয়াকৈ মুক্তি পোৱা ধুৰন্ধৰৰ দ্বিতীয় সংস্কৰণৰ ঘোষণা কৰা হৈছে। আদিত্য ধৰৰ দ্বাৰা পৰিচালিত এই ছবিখনে ৫ ডিচেম্বৰত চিনেমাগৃহত মুক্তি লাভ কৰাৰ পাছত মুক্তিৰ পিছৰে পৰা দৰ্শক আৰু সমালোচকৰ ইতিবাচক সমালোচনা লাভ কৰিছে। ইফালে ছবিখনৰ শেষত দ্বিতীয় কিস্তিৰ মুক্তিৰ তাৰিখ ঘোষণা কৰি নিৰ্মাতাসকলে দৰ্শকক আচৰিত কৰি তুলিছিল।
ছিকুৱেলৰ নাম হ'ব ৰিভেঞ্জ
ধুৰন্ধৰৰ ছিকুৱেল নিৰ্মাণ হ'ব বুলি বহুদিনৰ পৰাই জল্পনা-কল্পনা চলি আহিছে, আৰু এতিয়া সেয়া নিশ্চিত হৈছে। দ্বিতীয় কিস্তিৰ নাম হ'ব ৰিভেঞ্জ বুলি প্ৰযোজকসকলে ঘোষণা কৰিছে। ২০২৬ চনৰ ১৯ মাৰ্চত ছবিগৃহত মুক্তি পাবলগীয়া ছবিখনৰ কাহিনী ক’ত প্ৰকাশ পাব আৰু ছিকুৱেলে কি কি টুইষ্ট এণ্ড টাৰ্ণ কঢ়িয়াই আনিব সেয়া চাবলৈ এতিয়া দৰ্শক আগ্ৰহী।
ৰিভেঞ্জৰ মুখামুখি হ'ব দুখন ডাঙৰ ছবি
ধুৰন্ধৰ: ৰিভেঞ্জৰ মুক্তিৰ তাৰিখ ঘোষণাৰ লগে লগে স্পষ্ট হৈ পৰিছে যে ২০২৬ চনৰ মাৰ্চ মাহত বক্স অফিচত তিনিখন ডাঙৰ ছবিয়ে প্ৰতিদ্বন্দ্বিতা কৰিব। আচলতে ঈদৰ লগত সংগতি ৰাখি একেদিনাই মুক্তি পাব ছুপাৰষ্টাৰ যশৰ ছবি টক্সিক। অজয় দেৱগনৰ ছুপাৰহিট কমেডী ফ্ৰেঞ্চাইজিৰ ছিকুৱেল ধমাল ৪ও প্ৰায় একে সময়তে মুক্তি পাব। ফলস্বৰূপে ৰণবীৰ সিঙৰ ছবিখনে দুখন ডাঙৰ ছবিৰ সৈতে সংঘৰ্ষ হোৱাটো নিশ্চিত।
हिन्दुस्थान समाचार / অৰৱিন্দ
