শেহতীয়াকৈ বলীউডৰ অভিনেতা ৰণবীৰ সিঙে নিজৰ মন্তব্যক লৈ বিতৰ্কৰ মাজত সোমাই পৰিছে। আই এফ এফ আই ২০২৫ৰ সামৰণি অনুষ্ঠানৰ সময়ত তেওঁ ‘কান্তৰা অধ্যায় ১’ত ঋষব শ্বেট্টীয়ে অভিনয় কৰা ভূমিকা পুনৰায় অভিনয় কৰে। অনুষ্ঠানটোৰ ভিডিঅ’ ভাইৰেল হোৱাৰ লগে লগে ৰণবীৰক দেৱী চামুণ্ডা দেৱীক অপমান কৰা বুলি বহু লোকে অভিযোগ উত্থাপন কৰে। হিন্দু জনজাগৰুতি সমিতিয়েও এজাহাৰ দাখিল কৰে। ক্ৰমবৰ্ধমান বিতৰ্কৰ পোহৰত অভিনেতাগৰাকীয়ে নিজৰ স্থিতি স্পষ্ট কৰি ক্ষমা বিচাৰিলে।
ৰণবীৰ সিঙে এটা স্পষ্টীকৰণ প্ৰকাশ কৰি কয় যে, মই ঋষব শ্বেট্টীৰ আচৰিত অভিনয়ক প্ৰশংসা কৰাৰ উদ্দেশ্য আছিল। মই জানো যে তেওঁ সেই দৃশ্যটোত কিমান কঠোৰ আৰু নিষ্ঠাৱান কাম কৰিছিল, আৰু মই তেওঁৰ এজন বিশাল অনুৰাগী। মই সদায় দেশৰ প্ৰতিটো সংস্কৃতি, পৰম্পৰা, বিশ্বাসক সন্মান জনাই আহিছো। যদি মই কোনো কথাই কাৰোবাৰ আৱেগক আঘাত দিছিল, তেন্তে মই আন্তৰিকতাৰে ক্ষমা বিচাৰিছো।
বিতৰ্ক আৰম্ভ হৈছিল যেতিয়া গোৱাত ভাৰতৰ ৫৬ সংখ্যক আন্তঃৰাষ্ট্ৰীয় চলচ্চিত্ৰ মহোৎসৱত কাান্তৰা অধ্যায় ১ৰ বিষয়ে কোৱাৰ সময়ত ৰণবীৰ সিঙে কয় যে, মই কান্তৰা অধ্যায় ১ দেখিছিলো। ঋষভ শ্বেট্টীৰ অভিনয় আছিল উজ্জ্বল। বিশেষকৈ যেতিয়া মহিলা ভূতে আপোনাক আৱৰি ধৰে, তেতিয়া আপুনি এটা আচৰিত শ্বট দিছিল। বহুতে তেওঁৰ মন্তব্যক সমালোচনা কৰি ধৰ্মীয় বিশ্বাসৰ সৈতে জড়িত কৰি আপত্তিজনক বুলি অভিহিত কৰে। বৰ্তমান ৫ ডিচেম্বৰত মুক্তি পাবলগীয়া তেওঁৰ আগন্তুক ছবি ধুৰন্ধৰৰ প্ৰচাৰত ব্যস্ত ৰণবীৰ।
हिन्दुस्थान समाचार / অৰৱিন্দ
