ভাৰতৰ প্ৰথমগৰাকী মানসিক স্বাস্থ্য এম্বেছাদৰ হোৱাৰ পাছত এতিয়া অভিনেত্ৰী দীপিকা পাডুকনে অৰ্জন কৰিছে আন এক বৃহৎ মাইলৰ খুঁটি। মেটা এআইৰ নতুন কণ্ঠ হিচাপে ঘোষণা কৰা হৈছে ছানীক। অভিনেত্ৰীগৰাকীয়ে নিজেই এই সুখৰ খবৰটো নিজৰ ছ’চিয়েল মিডিয়া একাউণ্টত এটা ভিডিঅ’ যোগে শ্বেয়াৰ কৰিছে, যিয়ে তেওঁৰ অনুৰাগীসকলক উত্তেজিত কৰিছে।
দীপিকাই ৰেকৰ্ডিং ষ্টুডিঅ’ৰ পৰা ইনষ্টাগ্ৰামত এটা ভিডিঅ’ শ্বেয়াৰ কৰে, য’ত তেওঁ কয়, “মই মেটা এআইৰ নতুন কণ্ঠ। আপুনি সাজু নেকি?” ভিডিঅ'টোৰ কেপচনত লিখিছে, এয়া সঁচাকৈয়ে মজাৰ। এতিয়া মই মেটা এআইৰ অংশ, আৰু আপুনি মোৰ কণ্ঠৰ সৈতে ইংৰাজীত ভাৰত, আমেৰিকা, কানাডা, যুক্তৰাজ্য, অষ্ট্ৰেলিয়া, আৰু নিউজিলেণ্ডত আড্ডা দিব পাৰে। চেষ্টা কৰক আৰু মোক জনাওক যে আপোনাৰ কেনেকুৱা হৈছে।
অনুৰাগীয়ে দীপিকাৰ সফলতাৰ বাবে অভিনন্দন জনাই ছ’চিয়েল মিডিয়াত বানপানীৰ সৃষ্টি কৰে। এজন ব্যৱহাৰকাৰীয়ে লিখিছে, প্ৰতিদিনে এটা নতুন কৃতিত্ব। আন এজনে ক'লে, তোমাৰ মাতটো ইমানেই শান্ত কৰা। আন এজন অনুৰাগীয়ে লিখিছে, তাই এগৰাকী প্ৰকৃত গ্ল'বেল আইকন। মেটাই সঠিক বাছনি কৰিছিল। কৰ্মক্ষেত্ৰত বৰ্তমান শ্বাহৰুখ খানৰ সৈতে ‘কিং’ ছবি আৰু আল্লু অৰ্জুনৰ সৈতে এখন নতুন ছবিৰ বাবে বাতৰিৰ শিৰোনাম দখল কৰিছে দীপিকা।
हिन्दुस्थान समाचार / আলোক চক্ৰৱৰ্তী
