গুৱাহাটী, ২৩ ছেপ্টেম্বৰ (হি.স.)। আজি ২৩ ছেপ্টেম্বৰ বুধবাৰে প্ৰথম বাহিনী সশস্ত্ৰ সীমা বল, সোণাপুৰত চলি থকা হিন্দী পক্ষৱাড়া উপলক্ষে ৰাজভাষা হিন্দী সম্পৰ্কীয় বিভিন্ন কাৰ্যসূচী অনুষ্ঠিত কৰা হয়।

এই উপলক্ষে শ্ৰী খ. ইবৌচৌবা সিং, দ্বিতীয় কমান বিষয়া তথা কাৰ্যবাহী কমাণ্ডেণ্ট, প্ৰথম বাহিনী এছ এছ বি, সোণাপুৰৰ মাৰ্গদৰ্শনত বাহিনী মুখ্য কাৰ্যালয়ৰ ত্ৰৈমাসিক ৰাজভাষা প্ৰতিবেদন পৰ্যালোচনা কৰা হয় আৰু ৰাজভাষা হিন্দীৰ কাৰ্যকৰী ৰূপায়ণৰ অগ্ৰগতিৰ বুজ লোৱা হয়।

কাৰ্যবাহী কমাণ্ডেণ্টে বাহিনী মুখ্য কাৰ্যালয় তথা সকলো সমৱায়ক চৰকাৰী কাম-কাজত হিন্দীৰ অধিক ব্যৱহাৰ আৰু ৰাজভাষা নীতিৰ ফলপ্ৰসূ ৰূপায়ণৰ বাবে প্ৰয়োজনীয় নিৰ্দেশনা প্ৰদান কৰে।

তেওঁ হিন্দী পক্ষৱাড়াৰ অধীনত অনুষ্ঠিত হ’বলগীয়া বিভিন্ন প্ৰতিযোগিতা আৰু কাৰ্যসূচীত সকলো কৰ্মচাৰীক সক্ৰিয়ভাৱে অংশগ্ৰহণ কৰিবলৈ উৎসাহিত কৰে। লগতে প্ৰতিযোগিতাসমূহত প্ৰথম, দ্বিতীয় আৰু তৃতীয় স্থান লাভ কৰা কৰ্মচাৰীসকলক পুৰস্কাৰেৰে সন্মানিত কৰা হ’ব বুলি অৱগত কৰে।

এই পদক্ষেপৰ মূল উদ্দেশ্য হৈছে বাহিনীৰ কৰ্মচাৰীসকলৰ মাজত হিন্দী ভাষাৰ প্ৰতি আগ্ৰহ আৰু সজাগতা বৃদ্ধি কৰা আৰু চৰকাৰী কাম-কাজত হিন্দীৰ নিয়মীয়া তথা ফলপ্ৰসূ ব্যৱহাৰক উৎসাহিত কৰা।

অনুষ্ঠানত সকলো কৰ্মচাৰীক হিন্দী পক্ষৱাড়াৰ বিভিন্ন কাৰ্যসূচীত উৎসাহেৰে অংশগ্ৰহণ কৰি চৰকাৰী কাম-কাজত ৰাজভাষা হিন্দীৰ ব্যৱহাৰ অধিক শক্তিশালী কৰাৰ বাবে অৱদান আগবঢ়াবলৈ আহ্বান জনোৱা হয়।

হিন্দুস্থান সমাচাৰ / আলোক চক্ৰৱৰ্তী