বহু প্ৰত্যাশিত ছবি গান্ধাৰীৰে দৰ্শকৰ মাজলৈ ঘূৰি আহিব অভিনেত্ৰী তাপসী পান্নু। হাই ভল্টেজ একচন, অপৰাধ, আৰু প্ৰতিশোধৰ আধাৰত নিৰ্মিত এই থ্ৰিলাৰখনৰ পৰিচালনা দেৱাশীষ মাখিজাই আৰু ৰচনা কৰিছে কণিকা ধিলন। কণিকা ধিলোনৰ প্ৰডাকচন হাউচ ‘কথা পিকচাৰ্ছ’ৰ অধীনত নিৰ্মিত এই ছবিখন ছবিগৃহৰ পৰিৱৰ্তে পোনপটীয়াকৈ ডিজিটেল প্লেটফৰ্মত মুক্তি পাব। ২০২৬ চনৰ ৩ ছেপ্টেম্বৰত নেটফ্লিক্সত প্ৰিমিয়াৰ হ’ব ছবিখনৰ।
গান্ধাৰীত তাপসী পান্ণুৱে এনে এগৰাকী মাতৃৰ চৰিত্ৰত অভিনয় কৰিছে যিয়ে নিজৰ কন্যাক বচাবলৈ যিকোনো প্ৰকাৰে যাবলৈ ইচ্ছুক। কাহিনীটোত মাতৃ আৰু কন্যাৰ মাজৰ গভীৰ আৰু অবিচ্ছেদ্য বন্ধনৰ লগতে প্ৰতিশোধ আৰু সংগ্ৰামৰ আৱেগিক যাত্ৰাৰ সন্ধান কৰা হ’ব। ছবিখনত তাপসীৰ ভূমিকা পূৰ্বৰ চৰিত্ৰতকৈ একেবাৰে পৃথক আৰু প্ৰত্যাহ্বানমূলক বুলি কোৱা হৈছে। অভিনেত্ৰীগৰাকীয়ে ছবিখনত শক্তিশালী একচন ছিকুৱেন্সও অভিনয় কৰা দেখা যাব।
ছবিখনৰ তাৰকা কাষ্টৰ ভিতৰত আছে তাপসী পান্নু, ইশ্বক সিং, স্বস্তিকা মুখাৰ্জী, ছয়া কদম, যতীন সাৰ্না, আৰু মিতা বশিষ্ঠ। গান্ধাৰীৰ পৰিচালক দেৱাশীষ মাখিজাৰ তীব্ৰ আৰু প্ৰভাৱশালী কাহিনী কোৱাৰ বাবে পৰিচিত। কণিকা ধিলোনৰ লেখা আৰু প্ৰডাকচনে ছবিখনৰ প্ৰতি আশাৰ সঞ্চাৰ কৰিছে। তাপসীক শেষবাৰৰ বাবে দেখা গৈছিল চলিত বৰ্ষৰ আৰম্ভণিতে মুক্তি পোৱা আছি ছবিখনত। এতিয়া গান্ধাৰীৰ জৰিয়তে তেওঁ উপস্থাপন কৰিব একচন আৰু আৱেগেৰে ভৰা ছবিখনৰ ওপৰত এক নতুন টেক।
হিন্দুস্থান সমাচাৰ / অৰৱিন্দ
