অভিনেত্ৰী কিয়াৰা আদৱানীয়ে আগন্তুক ছবি টক্সিক: এ ফেয়াৰী টেল ফৰ গ্ৰ'ন-আপছত তেওঁৰ ভূমিকাক তেওঁৰ কেৰিয়াৰৰ এতিয়ালৈকে আটাইতকৈ সৃষ্টিশীল আৰু সন্তুষ্টিদায়ক অভিজ্ঞতা বুলি অভিহিত কৰিছে। শেহতীয়াকৈ ছ’চিয়েল মিডিয়াত একাংশ লোকে ছবিখনৰ টিজাৰত মহিলা চৰিত্ৰৰ চিত্ৰণক লৈ প্ৰশ্ন উত্থাপন কৰিছিল। এই সমালোচনাৰ মাজতে কিয়াৰাই কয় যে ছবিখনৰ প্ৰতিটো নাৰী চৰিত্ৰক শক্তিশালী আৰু তাৎপৰ্যপূৰ্ণভাৱে চিত্ৰিত কৰা হৈছে। নয়ন্তৰা, হুমা কুৰেশ্বি, তাৰা সুতাৰিয়া, আৰু ৰুক্মিণী বসন্তৰ সৈতে কাম কৰাৰ অভিজ্ঞতাও স্মৰণীয় বুলি অভিহিত কৰে।

এক সাক্ষাৎকাৰত কিয়াৰাই কয় যে পৰিচালক গীতু মহনদাসৰ দৃষ্টিভংগী আৰু কাহিনীয়ে তেওঁক ছবিখনৰ অংশ হ’বলৈ অনুপ্ৰাণিত কৰিছিল। তাই বুজাই দিলে যে তাইৰ চৰিত্ৰ নাদিয়া বহুতো আৱেগিক স্তৰেৰে ভৰি আছে, য'ত শক্তি, সংবেদনশীলতা, কেন্দ্ৰীয়তা, আৰু অসহায়তাৰ বিভিন্ন ছাঁ প্ৰদৰ্শন কৰা হৈছে। কিয়াৰাৰ মতে, এই চৰিত্ৰটোৰ বাবে প্ৰস্তুতি চলাই থাকোঁতে তেওঁ পুনৰ অভিনয়ৰ প্ৰতি প্ৰেমত পৰিছিল আৰু উপলব্ধি কৰিছিল যে তেওঁ নিজৰ কেৰিয়াৰৰ এনে এটা পৰ্যায়ত উপনীত হৈছে য’ত তেওঁ এনে প্ৰত্যাহ্বানমূলক ভূমিকা গ্ৰহণ কৰিব পাৰিব।

কিয়াৰাই বিভিন্ন ভাষাৰ ছবিত কাম কৰাৰ অভিজ্ঞতাৰ বিষয়েও কয়। তাৰকাত্বই হয়তো দৰ্শকক থিয়েটাৰলৈ আনিব পাৰে, কিন্তু শেষত ভাল কাহিনীয়েই হৃদয় জয় কৰে বুলিও কয় ছানীয়ে। টক্সিকত যশক দুটা চৰিত্ৰত দেখা যাব। কিয়াৰাৰ উপৰিও ছবিখনত নয়ন্তৰা, হুমা কুৰেশ্বি, তাৰা সুতাৰিয়া, আৰু ৰুক্মিণী বসন্তইও গুৰুত্বপূৰ্ণ চৰিত্ৰত অভিনয় কৰিছে। গীতু মহনদাসৰ পৰিচালনাত নিৰ্মিত এই ছবিখন ২০২৬ চনৰ ২৬ আগষ্টত হিন্দী, কানাড়া, তামিল, তেলেগু, আৰু মালয়ালমকে ধৰি একাধিক ভাষাত মুক্তি পাব।

হিন্দুস্থান সমাচাৰ / অৰৱিন্দ