পৰিচালক অমিত ৰায়ৰ আগন্তুক ছবি অ' মাই ডগৰ অফিচিয়েল ট্ৰেইলাৰ মুকলি কৰা হৈছে। সফল ছবি ফ্ৰেঞ্চাইজি অ' মাই গডৰ পিছত অমিত ৰায়ে মানুহ আৰু জীৱ-জন্তুৰ মাজৰ সম্পৰ্কৰ ওপৰত আধাৰিত এক আৱেগিক কাহিনী আনে। মুখ্য চৰিত্ৰত অভিনয় কৰিছে পংকজ ত্ৰিপাঠীয়ে। তেওঁৰ কাষত ২৫০ টাতকৈও অধিক কুকুৰৰ উপস্থিতিয়ে ছবিখনক বিশেষ কৰি তুলিছে। মাহী ৰায়, পৱন মালহোত্ৰা, গীতা আগৰৱালা শৰ্মা, সুলক্ষনা বৰুৱা, ৰাজেশ কুমাৰ আৰু বিজয় মিশ্ৰইও গুৰুত্বপূৰ্ণ চৰিত্ৰত অভিনয় কৰিছে।
ট্ৰেইলাৰৰ আৰম্ভণিতে এটা সৰু শিশু আৰু এটা বিপথগামী কুকুৰৰ নিৰীহ বন্ধুত্বৰ পৰা। কাহিনীটো আগবাঢ়ি যোৱাৰ লগে লগে অভাৱনীয় পৰিঘটনাই আৱেগিক ৰূপ লয়, পৰিয়াল, আৱেগ আৰু সম্পৰ্কৰ গভীৰতা উন্মোচন কৰে। মনোৰঞ্জনৰ লগতে ছবিখনত মানুহ আৰু জীৱ-জন্তুৰ মাজত থকা প্ৰেম, মমতা, মানৱতাৰ বাৰ্তাকো উজ্জ্বল কৰি তোলা হৈছে ।
বাবুলাল বিস্কোপ আৰু থিংকিং হেটছ এণ্টাৰটেইনমেণ্টৰ বেনাৰত নিৰ্মাণ কৰা হৈছে অ' মাই ডগ। আৱেগিক নাটক আৰু চাচপেন্সেৰে ভৰা এই ছবিখন ২০২৬ চনৰ ৩১ জুলাইত দেশজুৰি চিনেমাগৃহত মুক্তি পাব । ট্ৰেইলাৰটোৱে দৰ্শকৰ ইতিবাচক সমালোচনা লাভ কৰাৰ লগতে বহু উত্তেজনাৰ সৃষ্টি কৰিছে।
-----------------
হিন্দুস্থান সমাচাৰ / অৰৱিন্দ
