নতুন দিল্লী, ৩০ জুন (হি.স.)। কেন্দ্ৰীয় প্ৰত্যক্ষ কৰ ব’ৰ্ডৰ অধ্যক্ষ ৰবি আগৰৱালাৰ কাৰ্যকাল ছমাহৰ বাবে বৃদ্ধি কৰাৰ সিদ্ধান্ত লৈছে কেন্দ্ৰীয় চৰকাৰে। আগৰৱালাৰ নতুন কাৰ্যকাল চলিত বৰ্ষৰ ১ জুলাইৰ পৰা ৩১ ডিচেম্বৰলৈ হ’ব।
কৰ্মচাৰী, ৰাজহুৱা অভিযোগ আৰু পেঞ্চন মন্ত্ৰালয়ৰ কৰ্মচাৰী আৰু প্ৰশিক্ষণ বিভাগে (DoPT) জাৰি কৰা এক আদেশত কোৱা হৈছে যে এই পুনৰ নিযুক্তি চুক্তিৰ ভিত্তিত আৰু নিযুক্তিৰ নিয়ম শিথিল কৰাৰ আওতাত। এই নিৰ্দেশ তৎকালীনভাৱে কাৰ্যকৰী কৰিবলৈ নিৰ্দেশ দিয়া হৈছে।
১৯৮৮ চনৰ বেচৰ ভাৰতীয় ৰাজহ সেৱাৰ বিষয়া ৰবি আগৰৱালে ২০২৪ চনৰ জুন মাহত চিবিডিটিৰ অধ্যক্ষ হিচাপে নিযুক্তি লাভ কৰিছিল । ইয়াৰ পূৰ্বে ২০২৩ চনৰ জুলাইৰ পৰা চিবিডিটিত সদস্য (প্ৰশাসন) হিচাপে কাৰ্যনিৰ্বাহ কৰিছিল । ২০২৫ চনৰ জুলাইৰ পৰা ২০২৬ চনৰ জুনলৈকে তেওঁৰ কাৰ্যকাল এবছৰৰ বাবে বৃদ্ধি কৰা হৈছিল ।
চিবিডিটি হৈছে আয়কৰ বিভাগৰ শীৰ্ষ নীতি নিৰ্ধাৰণকাৰী সংস্থা, যিয়ে প্ৰত্যক্ষ কৰ আইন প্ৰশাসন, কৰ নীতি প্ৰণয়ন, অনুসৰণ শক্তিশালী কৰা, আৰু কৰদাতাৰ সেৱা উন্নত কৰাৰ বাবে দায়বদ্ধ। ব’ৰ্ডৰ নেতৃত্বত এজন অধ্যক্ষ থাকে আৰু বিশেষ সম্পাদকৰ পদবীলৈকে ছয়জন সদস্য থাকিব পাৰে । বিত্ত মন্ত্ৰালয়ৰ ৰাজহ বিভাগৰ অধীনত থকা ব’ৰ্ডখনে প্ৰত্যক্ষ কৰ সংগ্ৰহ আৰু নীতি সংস্কাৰৰ বাবে দায়বদ্ধ ।
-----------------
হিন্দুস্থান সমাচাৰ / অৰৱিন্দ
