অভিনেতা কুনাল খেমুৰ আগন্তুক ৰিয়েলিটি শ্ব' এলায়েন্সৰ ট্ৰেইলাৰ মুকলি কৰা হৈছে। কমেডী ছবিৰ বাবে পৰিচিত কুনালক প্ৰথমবাৰৰ বাবে এই অনুষ্ঠানটো আয়োজন কৰা দেখা যাব। ট্ৰেইলাৰত শ্ব’টোৰ থিম, প্ৰতিযোগীসকলৰ আভাস, আৰু ৰোমাঞ্চকৰ গেমপ্লে’ৰ বিষয়ে উল্লেখ কৰা হৈছে। ২৬ জুনৰ পৰা আমাজন প্ৰাইম ভিডিঅ’ত প্ৰচাৰ হ’ব এই অনুষ্ঠান।
ট্ৰেইলাৰ অনুসৰি ১৬ গৰাকী প্ৰতিযোগীয়ে এই অনুষ্ঠানত অংশগ্ৰহণ কৰিব, দুজনৰ যোৰ গঠন কৰিব। অৱশ্যে ই কেৱল মিত্ৰতাৰ খেল নহ’ব; প্ৰতিযোগীসকলে আগবাঢ়ি যাবলৈ নিজৰ সতীৰ্থৰ বিৰুদ্ধে কৌশল ৰচনা কৰিব লাগিব। শ্ব’টোৰ কাহিনী বন্ধুত্ব, বিশ্বাস, কৌশল, আৰু বিশ্বাসঘাতকতাৰ ওপৰত আবদ্ধ হ’ব, য’ত প্ৰতিটো খোজতে সম্পৰ্কৰ পৰীক্ষা কৰা হ’ব।
এই অনুষ্ঠানত বহু পৰিচিত মুখে অংশগ্ৰহণ কৰিব। কন্যা ৰিভা কিষানৰ সৈতে উপস্থিত হ’ব ৰবি কিষাণ। কুশল টেণ্ডন, জাইদ দৰবাৰ, ডেইজী শ্বাহ, নীতি টেইলৰ, চিভেট টোমাৰকে ধৰি আন তাৰকাসকলেও এই প্ৰতিযোগিতাত অংশগ্ৰহণ কৰিব। প্ৰতিদিনে দিনৰ ১২ বজাত এই অনুষ্ঠানৰ নতুন খণ্ড দৰ্শকৰ বাবে উপলব্ধ হ’ব।
-----------------
হিন্দুস্থান সমাচাৰ / অৰৱিন্দ
