কাঠমাণ্ডু, ০২ এপ্ৰিল (হি.স.)। নৱনিৰ্বাচিত প্ৰতিনিধি সদনৰ প্ৰথমখন বৈঠক আৰম্ভ হোৱাৰ লগে লগে নেপাল কমিউনিষ্ট পাৰ্টিৰ সাংসদসকলে সদনৰ ভিতৰতে প্ৰাক্তন প্ৰধানমন্ত্ৰী কে পি শৰ্মা অলিক গ্ৰেপ্তাৰ কৰাৰ তীব্ৰ প্ৰতিবাদ সাব্যস্ত কৰে। ইয়াৰ ফলত প্ৰতিনিধি সদনৰ প্ৰথমখন বৈঠক ব্যাহত হৈ পৰে।
ইউএমএলৰ সাংসদসকলে থিয় হৈ শ্লোগান দি কাৰ্য্যবিধি ব্যাহত কৰে। বৈঠকৰ সভাপতিত্বত থকা অৰ্জুন নৰসিং কে চিয়ে তেওঁলোকক নিজৰ আসনলৈ ঘূৰি আহি সদন আগবাঢ়ি যাবলৈ অনুমতি দিবলৈ আহ্বান জনায়। প্ৰতিবাদকাৰী সাংসদসকলে অমান্তি হোৱাত অধ্যক্ষই ইউএমএলৰ সাংসদ গুৰু বৰালক নিজৰ মতামত দাঙি ধৰিবলৈ দুমিনিট সময় প্ৰদান কৰে।
ইউএমএলৰ সাংসদ বৰালে প্ৰাক্তন প্ৰধানমন্ত্ৰীগৰাকীক গ্ৰেপ্তাৰ কৰাতো অবৈধ আখ্যা দিয়ে। তেওঁ কয় যে ভিৰ নিয়ন্ত্ৰণৰ দায়িত্ব আৰক্ষী প্ৰশাসনৰ আৰু ইয়াত প্ৰধানমন্ত্ৰীৰ কোনো ভূমিকা নাই।
ইউএমএলৰ সাংসদ বৰালে কয় যে চৰকাৰে ৰাজনৈতিক প্ৰতিশোধৰ ভিত্তিত কাম কৰি আছে, যিয়ে আইনৰ শাসন উলংঘা কৰিছে। তেওঁলোকে অলিক শীঘ্ৰে মুকলি কৰি দিয়াৰ লগতে জেনি জি আন্দোলনৰ নিৰপেক্ষ তদন্তৰ দাবী জনায়।
সংসদৰ নতুন কাৰ্যকালৰ একেবাৰে আৰম্ভণিতে হোৱা এই বিঘিনিয়ে আগন্তুক দিনত ৰাজনৈতিক দলসমূহৰ মাজত সম্ভাৱ্য উত্তেজনাৰ সংকেত দিয়ে।
हिन्दुस्थान समाचार / অৰৱিন্দ
