প্ৰিয়ংকা চোপ্ৰাই পুনৰবাৰ বিশ্ব মঞ্চত ভাৰতৰ গৌৰৱ কঢ়িয়াই আনিবলৈ সাজু হৈছে। ২০২৬ চনৰ অস্কাৰ বঁটা প্ৰদান অনুষ্ঠানত প্ৰিয়ংকাৰ নামকে ধৰি মুকলি কৰা হৈছে। তাৎপৰ্যপূৰ্ণভাৱে হলিউডৰ তাৰকা ৰবাৰ্ট ডাউনী জুনিয়ৰ আৰু এন্নে হাথাৱেৰ সৈতে মঞ্চ ভাগ কৰিব।
একাডেমীয়ে প্ৰকাশ কৰা তালিকা অনুসৰি এইবাৰৰ অস্কাৰত প্ৰিয়ংকাই বঁটা প্ৰদান কৰিব। গ্ল’বেল ষ্টাৰ হিচাপে পৰিগণিত হোৱা প্ৰিয়ংকাৰ এই সাফল্যই ভাৰতীয় অনুৰাগীৰ মাজত যথেষ্ট উৎসাহৰ সৃষ্টি কৰিছে।
১০ বছৰৰ পিছত অস্কাৰলৈ ঘূৰি আহিব
উল্লেখযোগ্য যে এয়া হ’ব প্ৰিয়ংকাৰ উপস্থাপক হিচাপে অস্কাৰলৈ ঘূৰি অহা। ইয়াৰ পূৰ্বে ২০১৬ চনৰ একাডেমী বঁটা প্ৰদান অনুষ্ঠানত বঁটা প্ৰদান কৰিছিল। সেই সময়ত তেওঁৰ উপস্থিতিয়ে আন্তঃৰাষ্ট্ৰীয় মঞ্চত ভাৰতীয় শিল্পীসকলৰ বাবেও এক শক্তিশালী উপস্থিতিৰ চিহ্নিত কৰিছিল। শেহতীয়াকৈ তেওঁ ২০২৬ চনৰ গোল্ডেন গ্ল’ব বঁটাও প্ৰদান কৰিছে।
ভাৰতত কেতিয়া আৰু ক’ত অনুষ্ঠান চাব? লছ এঞ্জেলছৰ বিখ্যাত ডলবি থিয়েটাৰত অনুষ্ঠিত হ’ব ৯৮ সংখ্যক একাডেমী বঁটা প্ৰদান অনুষ্ঠান। আমেৰিকাত ১৫ মাৰ্চত এই অনুষ্ঠান অনুষ্ঠিত হ’ব, আনহাতে ভাৰতত ২০২৬ চনৰ ১৬ মাৰ্চত পুৱা ৫:৩০ বজাৰ পৰা পোনপটীয়াকৈ সম্প্ৰচাৰ কৰা হ’ব। ভাৰতীয় দৰ্শকে জিঅ’ হটষ্টাৰ আৰু ষ্টাৰ নেটৱৰ্ক চেনেলত লাইভ চাব পাৰিব এই অনুষ্ঠান। আমেৰিকাত এবিচি আৰু হুলুত সম্প্ৰচাৰ কৰা হ’ব।
हिन्दुस्थान समाचार / মনোজ কুমাৰ শইকীয়া
