ইছলামাবাদ, ২৪ মাৰ্চ (হি.স.)। পাকিস্তান তেহৰিক-ই-ইনছাফৰ (পিটিআই) কেইবাজনো জ্যেষ্ঠ নেতাই দলৰ প্ৰতিষ্ঠাপক তথা পদচ্যুত প্ৰধানমন্ত্ৰী ইমৰাণ খানক মুক্তিৰ বাবে টাস্ক ফ’ৰ্চ গঠনৰ বিৰোধিতা কৰিছে। খাইবাৰ পখতুনখোৱাৰ মুখ্যমন্ত্রী সোহেইল আফ্রিদিক জ্যেষ্ঠ নেতৃত্বই তেওঁলোকৰ মতামত প্রকাশ কৰিছে ৷
দুনিয়া নিউজৰ এক সূত্ৰভিত্তিক প্ৰতিবেদন অনুসৰি জ্যেষ্ঠ নেতাসকলে কয় যে বৰ্তমান পাকিস্তান আৰু সমগ্ৰ বিশ্বই এক কঠিন সময়ৰ মাজেৰে পাৰ হৈ আছে । গতিকে টাস্ক ফ’ৰ্চ গঠন কৰাৰ পৰিৱৰ্তে আলোচনাৰ পথ গ্ৰহণ কৰিব লাগে । জ্যেষ্ঠ নেতৃত্বই পৰামৰ্শ দিয়ে যে এইবাৰ যদি ইছলামাবাদলৈ পদযাত্ৰা কৰা হয় তেন্তে দলটোৰ গুৰুতৰ লোকচান হ’ব পাৰে ।
নেতৃত্বই কয় যে সাম্প্ৰতিক পৰিস্থিতিত প্ৰতিবাদৰ পথ বাছি লোৱাটো বুদ্ধিমানৰ কাম নহ’ব । তেওঁলোকে কয় যে টাস্ক ফ’ৰ্চৰ ভূমিকা শেষত প্ৰতিবাদৰ আশে-পাশে ঘূৰি থাকিব আৰু বৰ্তমানৰ পৰিস্থিতিত দলীয় কৰ্মীসকলৰ বাবে প্ৰতিবাদ উপযুক্ত নহয় । লক্ষণীয় যে খাইবাৰ পাখতুনখোৱাৰ মুখ্যমন্ত্রী সোহেইল আফ্রিদীয়ে দলৰ প্রতিষ্ঠাপকগৰাকীৰ মুক্তি নিশ্চিত কৰিবলৈ ১৯ এপ্রিলত টাস্ক ফ’ৰ্চ গঠনৰ কথা ঘোষণা কৰিছিল ৷
हिन्दुस्थान समाचार / মনোজ কুমাৰ শইকীয়া
