ছুপাৰষ্টাৰ যশৰ বহু প্ৰত্যাশিত ছবি টক্সিক অহা মাহত বিশ্বৰ চিনেমাগৃহত মুক্তি পাব। দীৰ্ঘদিনীয়া উৰাবাতৰিৰ এই ছবিখনক লৈ উৎসাহিত হৈ পৰিছে দৰ্শক। ইফালে ছবিখন সন্দৰ্ভত এক উল্লেখযোগ্য খবৰ ওলাইছে যে টক্সিক ছবিখনে মুক্তিৰ পূৰ্বেই ইতিমধ্যে ১২০ কোটি টকা উপাৰ্জন কৰিছে। দিল ৰাজুৰ কোম্পানী এছভিচি (এসভি সিনিমাজ) য়ে অন্ধ্ৰ প্ৰদেশ আৰু তেলেংগানাত ₹১২০ কোটি টকাত ছবিখনৰ নাট্য অধিকাৰ লাভ কৰিছে। ইয়াক এক এক্সক্লুছিভ আৰু উল্লেখযোগ্য চুক্তি বুলি গণ্য কৰা হয়, যিয়ে যশৰ জনপ্ৰিয়তা আৰু ছবিখনক কেন্দ্ৰ কৰি থকা আশাক প্ৰতিফলিত কৰে।
ষ্টাৰকাষ্ট আৰু কাহিনী
কেজিএফ ছিৰিজৰ জৰিয়তে দেশজোৰা ছুপাৰষ্টাৰ হিচাপে পৰিগণিত হোৱা যশে ছবিখনত মুখ্য চৰিত্ৰত অভিনয় কৰিছে। গীতু মহনদাসৰ পৰিচালিত পিৰিয়ড গেংষ্টাৰ নাটক টক্সিক। ছবিখনত কিয়াৰা আদৱানী, নয়ন্তৰা, হুমা কুৰেশ্বি, আৰু তাৰা ছুটাৰিয়াইও গুৰুত্বপূৰ্ণ চৰিত্ৰত অভিনয় কৰিছে। ই এটা প্যান ইণ্ডিয়া প্ৰজেক্ট, কানাড়া আৰু অন্যান্য ভাষাত মুক্তি পোৱা।
কঠোৰ প্ৰতিযোগিতাৰ সন্মুখীন হ’ব পাৰে ‘ধুৰন্ধৰ ২’
দক্ষিণ ভাৰতৰ গুৰুত্বপূৰ্ণ এ পি-টিজি বজাৰত এই উল্লেখযোগ্য চুক্তিক বাণিজ্য বিশেষজ্ঞসকলে যশৰ শক্তিশালী তাৰকা শক্তি আৰু বিতৰকসকলৰ আস্থাৰ চিন হিচাপে লয়। ইতিমধ্যে ছবিখনৰ টিজাৰে দৰ্শকৰ তীব্ৰ সঁহাৰি লাভ কৰিছে। ২০২৬ চনৰ মাৰ্চ মাহত মুক্তি পাবলগীয়া ‘টক্সিক’ ছবিখনৰ সৈতে ৰণবীৰ সিঙৰ ‘ধুৰন্ধৰ ২’ৰ সংঘৰ্ষ হ’ব পাৰে। বাণিজ্য বিশেষজ্ঞসকলৰ মতে, যশৰ পূৰ্বৰ ব্লকবাষ্টাৰ ছবিসমূহৰ পিছত, ‘টক্সিক’ বক্স অফিচত ডাঙৰ হিট হ’ব পাৰে।
हिन्दुस्थान समाचार / মনোজ কুমাৰ শইকীয়া
