ৰাৱালপিণ্ডি (পাকিস্তান), ০৬ ফেব্ৰুৱাৰী (হি.স.)। পাকিস্তানৰ নিৰাপত্তা বাহিনীয়ে খাইবাৰ পখতুনখোৱা প্ৰদেশত দুটা পৃথক এনকাউণ্টাৰত ২৪টা সন্ত্ৰাসবাদীক হত্যা কৰা বুলি দাবী কৰিছে। সামৰিক বাহিনীৰ জনসংযোগ শাখা আন্তঃসেৱা জনসংযোগই জনোৱা মতে, ৪ আৰু ৫ ফেব্ৰুৱাৰীত ওৰাকজাই আৰু খাইবাৰ জিলাত এই সফলতা লাভ কৰা হৈছে।

দুনিয়া নিউজৰ এক প্ৰতিবেদন অনুসৰি আই এছ পি আৰৰ বিবৃতিত কোৱা হৈছে যে সন্ত্ৰাসবাদীৰ উপস্থিতিৰ বিষয়ে চোৰাংচোৱাৰ তথ্যৰ পিছত নিৰাপত্তা বাহিনীয়ে অৰাকজাইত সামৰিক অভিযান আৰম্ভ কৰে, যাৰ ফলত সন্ত্ৰাসবাদীৰ সৈতে মুখামুখি হয়। গুলী বিনিময়ত ১৪টা সন্ত্ৰাসবাদী নিহত হয়। খাইবাৰ জিলাতো নিৰাপত্তা বাহিনীয়ে অনুৰূপ অভিযান চলাই তাত ১০টা সন্ত্ৰাসবাদী নিহত হয়।

আই এছ পি আৰৰ বিবৃতিত কোৱা হৈছে যে বেলুচিস্তানত অপাৰেচন ৰাদ্-উল-ফিটনা-১ সমাপ্ত হৈছে। ঘটনাস্থলীৰ পৰা বৃহৎ পৰিমাণৰ বিদেশী অস্ত্ৰ-শস্ত্ৰ, গোলা-বাৰুদ, বিস্ফোৰক, সামগ্ৰী আদিও উদ্ধাৰ কৰা হৈছে। এই অভিযানত মহিলা আৰু শিশুসহ ৩৬ জন সাধাৰণ নাগৰিক নিহত হয়। প্ৰত্যক্ষ গুলিয়াগুলিত ২২ জন জোৱানৰো মৃত্যু হয়।

हिन्दुस्थान समाचार / অৰৱিন্দ