
নতুন দিল্লী, ০৩ নৱেম্বৰ (হি.স.)। নতুন দিল্লীত বৰ্তমান চলি থকা ৪৭ সংখ্যক বিশ্ব আৰ্মৰেছলিং আৰু ২৮ সংখ্যক বিশ্ব পেৰা আৰ্মৰেছলিং চেম্পিয়নশ্বিপ ২০২৬ত অংশগ্ৰহণ কৰা খেলুৱৈসকলক কেন্দ্ৰীয় যুৱ পৰিক্ৰমা আৰু ক্ৰীড়া বিভাগৰ ৰাজ্যিক মন্ত্ৰী ৰক্ষা নিখিল খাদছে মঙলবাৰে উৎসাহিত কৰে। ভাৰতত প্ৰথমবাৰৰ বাবে অনুষ্ঠিত হ’বলগীয়া এই চেম্পিয়নশ্বিপ ৬ নৱেম্বৰলৈকে চলিব। ২৯ অক্টোবৰৰ পৰা আৰম্ভ হোৱা এই চেম্পিয়নশ্বিপত ৬০খনতকৈও অধিক দেশৰ ১৭০০ৰো অধিক খেলুৱৈ, বিষয়া, সমৰ্থকে অংশগ্ৰহণ কৰে।
পিপলছ আৰ্মৰেছলিং ফেডাৰেচন অৱ ইণ্ডিয়া (পিএএফআই)ৰ উদ্যোগত এই চেম্পিয়নশ্বিপৰ আয়োজন কৰা হৈছে । ইয়াৰ নেতৃত্বত আছে পিএএফআইৰ সভানেত্ৰী তথা এছিয়ান আৰ্মৰেছলিং ফেডাৰেচনৰ উপ-সভানেত্ৰী প্ৰীতি ঝাংগিয়ানী আৰু প্ৰ’ পাঞ্জা লীগৰ সহ-প্ৰতিষ্ঠাপক পাৰবীন দাবাছে। বিশ্ব আৰ্মৰেছলিং ফেডাৰেচনৰ সংযুক্তি আৰু নিৰ্দেশনাত অনুষ্ঠিত হৈছে এই অনুষ্ঠান।
অনুষ্ঠানৰ সময়ত মন্ত্ৰী খাদছেই খেলসমূহ চাই, খেলুৱৈ আৰু বিষয়াসকলৰ সৈতে মত বিনিময় কৰে আৰু ভাৰতীয় আৰ্মৰেছলাৰ আৰু পেৰা আৰ্মৰেছলাৰকে ধৰি অংশগ্ৰহণকাৰী সকলো দেশৰ অংশগ্ৰহণকাৰীসকলক শুভেচ্ছা জনায়।
এই উপলক্ষে ক্ৰীড়া ৰাজ্য মন্ত্ৰীগৰাকীয়ে কয়, ২০২৬ চনত ভাৰতে ৪৭ সংখ্যক বিশ্ব আৰ্মৰেছলিং চেম্পিয়নশ্বিপ আৰু ২৮ সংখ্যক পেৰা-ৱৰ্ল্ড আৰ্মৰেছলিং চেম্পিয়নশ্বিপ আয়োজন কৰাটো আমাৰ বাবে এক ডাঙৰ সুযোগ। ইয়াত উপস্থিত থকা সকলোকে মোৰ শুভেচ্ছা। মই ভাৰতত এই আৰ্মৰেছলিং প্ৰতিযোগিতাখনক প্ৰচাৰ কৰিবলৈও চেষ্টা কৰিছো। এইদৰে আমি একেলগে আমি নিশ্চিতভাৱে আমাৰ দেশৰ বাবে ভাল কাম কৰিব পাৰিম।
ভাৰতে এতিয়ালৈকে বিশ্ব আৰ্মৰেছলিং আৰু পেৰা আৰ্মৰেছলিং চেম্পিয়নশ্বিপত মুঠ ৫৮টা পদক লাভ কৰিছে, য’ত ৯টা সোণ, ১৯টা ৰূপ, আৰু ৩০টা ব্ৰঞ্জৰ পদক আছে। এই পদকসমূহৰ ভিতৰত আছে পেৰা শাখাত ২৬, চাব-জুনিয়ৰ, জুনিয়ৰ আৰু যুৱ শাখাত ২০, আৰু মাষ্টাৰ আৰু গ্ৰেণ্ড মাষ্টাৰ শাখাত ১২ টা পদক।
হিন্দুস্থান সমাচাৰ / মনোজ কুমাৰ শইকীয়া