
নতুন দিল্লী, ১৮ নৱেম্বৰ (হি.স.)। সপ্তাহটোৰ তৃতীয়টো ব্যৱসায়িক দিনত ঘৰুৱা শ্বেয়াৰ বজাৰ ৰঙা সূচকত মুকলি হয়। একেৰাহে দুদিন লাভৰ পিছত বিনিয়োগকাৰীয়ে লাভ বুকিং কৰাৰ বাবে চেন্সেক্স আৰু নিফ্টীৰ আগতীয়া ব্যৱসায়ত হ্ৰাস পায়। চেন্সেক্স ৪২৯ পইণ্ট আৰু নিফটি ১৪১ পইণ্ট হ্ৰাস পায়।
বম্বে ষ্টক এক্সচেঞ্জৰ চেন্সেক্সৰ মূল্য বৰ্তমান ৮২,১০২.৯৭ত, যিটো আৰম্ভণিৰ ব্যৱসায়ত ৪২৯.২২ পইণ্ট বা ০.৫২ শতাংশ হ্ৰাস পাইছে। নেশ্যনেল ষ্টক এক্সচেঞ্জ (এনএছই) নিফটিৰ মূল্য ১৪১.২৫ পইণ্ট বা ০.৫৬ শতাংশ হ্ৰাস পাই ২৫,২৪৬.১৫ টকাত ব্যৱসায় কৰা হৈছে।
৩০টা চেন্সেক্স কোম্পানীৰ ভিতৰত টাটা কনছালটেন্সি চাৰ্ভিচেছ, টাইটান, এছিয়ান পেইণ্টছ, বাজাজ ফিনচাৰ্ভ, বাজাজ ফাইনেন্স, আৰু টাটা ষ্টীলৰ শ্বেয়াৰত আটাইতকৈ বেছি লোকচান হৈছে। ইফালে মাৰুতি, আল্ট্ৰাটেক চিমেণ্ট, মহিন্দ্ৰা এণ্ড মহিন্দ্ৰা, আৰু আইচিআইচিআই বেংকৰ শ্বেয়াৰত বৃদ্ধি পাইছে।
এই মাহত বিএছই চেন্সেক্সৰ মূল্য প্ৰায় ১১% বৃদ্ধি পাইছে, আৰু ১৭ নৱেম্বৰলৈকে এনএছই নিফ্টীয়ে ১০%তকৈ অধিক বৃদ্ধি পাইছে। এছিয়াৰ বজাৰত দক্ষিণ কোৰিয়াৰ কস্পি আৰু জাপানৰ নিকেই ২২৫ সূচকাংকৰ ব্যৱসায় অধিক হোৱাৰ বিপৰীতে চীনৰ এছ এছ ই কম্পোজিট আৰু হংকঙৰ হাং চেঙৰ ব্যৱসায় কম। তদুপৰি আন্তঃৰাষ্ট্ৰীয় তেলৰ মানদণ্ড ব্ৰেণ্ট খাৰুৱা তেলৰ মূল্য ০.৬৯% হ্ৰাস পাই প্ৰতি বেৰেলত ৯২.৫৩ ডলাৰ হয়।
মন কৰিবলগীয়া যে মঙলবাৰে বিএছইৰ ৩০ শ্বেয়াৰৰ বেঞ্চমাৰ্ক চেন্সেক্স ৪২৭.৪০ পইণ্ট বা ০.৫২% জপিয়াই ৮২,৫৩২.১৯ত বন্ধ হয়। ইফালে, ৫০ শ্বেয়াৰৰ এন এছ ই নিফটিও ৯৬.৩০ পইণ্ট বা ০.৩৮ শতাংশ বৃদ্ধিৰে ২৫,৩৮৭.৪০ত বন্ধ হয়।
-----------------
হিন্দুস্থান সমাচাৰ / অৰৱিন্দ