মহানদী কয়লাক্ষেত্ৰৰ আই পি অ’ ১৯ নৱেম্বৰত মুকলি, প্ৰতি শ্বেয়াৰৰ মূল্য ₹১২৯-১৩৬
নতুন দিল্লী, ১৬ নৱেম্বৰ (হি.স.)। ৰাজহুৱা খণ্ডৰ ক’ল ইণ্ডিয়া লিমিটেড (চিআইএল)ৰ সহযোগী কোম্পানী ওড়িশাস্থিত মহানাদী ক’লফিল্ডছ লিমিটেডৰ (এমচিএল) প্ৰাৰম্ভিক পাব্লিক অফাৰিং (আইপিঅ’) বিনিয়োগৰ বাবে মুকলি হ’ব ১৯ নৱেম্বৰত। বিনিয়োগকাৰীয়ে ২৩ নৱেম্বৰলৈকে নি
महानदी कोलफील्ड्स के लोगो का प्रतीकात्मक चित्र


নতুন দিল্লী, ১৬ নৱেম্বৰ (হি.স.)। ৰাজহুৱা খণ্ডৰ ক’ল ইণ্ডিয়া লিমিটেড (চিআইএল)ৰ সহযোগী কোম্পানী ওড়িশাস্থিত মহানাদী ক’লফিল্ডছ লিমিটেডৰ (এমচিএল) প্ৰাৰম্ভিক পাব্লিক অফাৰিং (আইপিঅ’) বিনিয়োগৰ বাবে মুকলি হ’ব ১৯ নৱেম্বৰত। বিনিয়োগকাৰীয়ে ২৩ নৱেম্বৰলৈকে নিবিদা দিব পাৰিব। এই অফাৰৰ মূল্য বেণ্ড প্ৰতি শ্বেয়াৰত ₹১২৯-১৩৬ নিৰ্ধাৰণ কৰা হৈছে।

সোমবাৰে কোম্পানীটোৱে এক বিবৃতিত কয় যে ১৯ নৱেম্বৰত বিনিয়োগকাৰীৰ বাবে মুকলি হ’ব আৰু ২৩ নৱেম্বৰত বন্ধ হ’ব এমচিএলৰ আইপিঅ’। এই অফাৰৰ মূল্য বেণ্ড প্ৰতি শ্বেয়াৰত ₹১২৯-১৩৬ নিৰ্ধাৰণ কৰা হৈছে। কোম্পানীটোৱে আইপিঅ’ৰ জৰিয়তে ₹৮,৯৮১ কোটি টকা সংগ্ৰহ কৰাৰ লক্ষ্য লৈছে।

এমচিএলৰ মতে এই আইপিঅ’টো সম্পূৰ্ণৰূপে অফাৰ ফৰ চেল (অ’এফএছ)ৰ ওপৰত ভিত্তি কৰি কৰা হৈছে। ইয়াৰ অধীনত প্ৰমোটাৰ ক’ল ইণ্ডিয়া লিমিটেডে ৬৬.১৮ কোটি শ্বেয়াৰ বিক্ৰী কৰি ১০% অংশীদাৰিত্ব হ্ৰাস কৰিব। কোম্পানীটোৱে ছেবিত দাখিল কৰা নথি অনুসৰি এই আই পি অ’ত ক’ল ইণ্ডিয়াই নিজৰ অংশীদাৰিত্বৰ এটা অংশ বিক্ৰী কৰিব। ২৭ নৱেম্বৰত কোম্পানীটোৰ শ্বেয়াৰ বিএছই আৰু এনএছইত তালিকাভুক্ত হ’ব পাৰে।

উল্লেখযোগ্য যে দেশৰ ঘৰুৱা কয়লা উৎপাদনৰ ৮০%তকৈও অধিক চিআইএল ৰ অৱদান। বৰ্তমান ক’ল ইণ্ডিয়াৰ এমচিএলত ১০০% অংশীদাৰিত্ব আছে।

-----------

হিন্দুস্থান সমাচাৰ / অৰৱিন্দ


 rajesh pande