মুম্বাই, ২৯ অক্টোবৰ (হি.স.)। পৰিচালক প্ৰিয়াদৰ্শনে পুনৰবাৰ অভিনেতা অক্ষয় কুমাৰৰ সৈতে তেওঁৰ পৰৱৰ্তী ছবিত সহযোগিতা আগবঢ়াব। শিৰোনামহীন এই ছবিখনৰ মুখ্য অভিনেত্ৰী হিচাপে নিৰ্বাচিত হৈছে ভূমি পেডনেকাৰ।

খবৰ অনুসৰি, প্ৰিয়দৰ্শনেও ছবিখনৰ সৈতে ভূমিৰ জড়িততা নিশ্চিত কৰিছে। ইয়াৰ পূৰ্বে অক্ষয় আৰু ভূমিয়ে ২০১৭ চনৰ টয়লেট: এক প্ৰেম কথা আৰু ২০২২ চনৰ ৰক্ষ বন্ধন ছবিত একেলগে অভিনয় কৰিছিল । প্ৰায় ৯ বছৰৰ ভিতৰত এইটোৱেই হ’ব তেওঁলোকৰ তৃতীয়টো সহযোগিতা।

ৰমেশ তৌৰাণীয়ে প্ৰযোজনা কৰিব প্ৰিয়দৰ্শনৰ ৯৯ সংখ্যক পৰিচালক উদ্যোগ। সত্তৰৰ দশকৰ পৰিৱেশত নিৰ্মিত এই কমেডী ছবিখনত অক্ষয় কুমাৰক বেলেগ অৱতাৰত দেখা যাব। তেওঁৰ চৰিত্ৰটো কুটিল আৰু এক্সেন্ট্ৰিক বুলি কোৱা হৈছে। আনু কাপুৰ আৰু ৰাজপাল যাদৱেও ছবিখনত যোগদান কৰাৰ কথা চৰ্চা চলিছে যদিও তেওঁলোকৰ ভূমিকা সম্পৰ্কে সবিশেষ এতিয়াও প্ৰকাশ হোৱা নাই।

নৱেম্বৰৰ শেষ সপ্তাহত ছবিখনৰ শ্বুটিং আৰম্ভ হ’ব বুলি জানিব পৰা গৈছে। ৰাজস্থান, ভোপাল, মুম্বাইৰ বনাঞ্চলত ছবিখনৰ প্ৰায় তিনিমাহৰ সময়সূচী সম্পূৰ্ণ কৰাৰ পৰিকল্পনা কৰা হৈছে।

মন কৰিবলগীয়া যে ইয়াৰ পূৰ্বে প্ৰিয়দৰ্শন আৰু অক্ষয় কুমাৰে কেইবাখনো সফল ছবিত সহযোগিতা আগবঢ়াইছে। এই বছৰ তেওঁলোকে ভূত বাংলা আৰু হাইৱানৰ বাবে পুনৰ একত্ৰিত হয়। দৰ্শকে এতিয়া আগ্ৰহেৰে বাট চাই আছে তেওঁলোকৰ পৰৱৰ্তী ছবি।

-----------

হিন্দুস্থান সমাচাৰ / অৰৱিন্দ