নতুন দিল্লী, ১৮ অক্টোবৰ (হি.স.)। দিল্লী-গাজিয়াবাদ-মীৰুট নমো ভাৰত কৰিড’ৰ তিনি বছৰীয়া কাৰ্যকালত ৪.৫ কোটিৰো অধিক যাত্ৰী কঢ়িয়াই লৈ ফুৰিছে। ৰাষ্ট্ৰীয় ৰাজধানী অঞ্চল পৰিবহণ নিগমৰ তথ্য অনুসৰি, নমো ভাৰতে বৰ্তমান দৈনিক ১১ লাখৰো অধিক যাত্ৰী কঢ়িয়াই লৈ ফুৰে। লগতে এই সেৱাই একদিনত প্ৰায় ১.৬৮ লাখ যাত্ৰীৰে অভিলেখ সৃষ্টি কৰে।
দেওবাৰে এনচিআৰটিচিয়ে উদযাপন কৰে নমো ভাৰত দিৱস ২০২৬। এই উপলক্ষে কেন্দ্ৰীয় গৃহ নিৰ্মাণ আৰু নগৰ পৰিক্ৰমা আৰু শক্তি মন্ত্ৰী মনোহৰ লাল, কেন্দ্ৰীয় গৃহ আৰু নগৰ পৰিক্ৰমা ৰাজ্যিক মন্ত্ৰী টোখান সাহু, মন্ত্ৰালয়ৰ সম্পাদক ডি থাৰা, নগৰ উন্নয়ন বিভাগৰ সম্পাদক সতেন্দ্ৰ সিংৰ লগতে অন্যান্য বিষয়াসকল উপস্থিত থাকে।
মনোহৰ লালে কয় যে নমো ভাৰত কেৱল এটা নাম নহয় বৰঞ্চ জাতি, নিষ্ঠা, সাংস্কৃতিক মূল্যবোধক অগ্ৰাধিকাৰ দিয়াৰ মনোভাৱৰ প্ৰতীক। তেওঁ উল্লেখ কৰে যে এই সেৱাই আঞ্চলিক সংযোগ শক্তিশালী কৰি নগৰীয়া পৰিবহণক এক নতুন দিশ প্ৰদান কৰিছে। প্ৰধানমন্ত্ৰী নৰেন্দ্ৰ মোদীয়ে ২০ অক্টোবৰত এই কৰিডৰ উদ্বোধন কৰে।মন্ত্ৰীগৰাকীয়ে প্ৰকল্পটোৰ সৈতে জড়িত বিষয়া, অভিযন্তা, কাৰিকৰী বিশেষজ্ঞ, আৰু কৰ্মচাৰীসকলৰ অৱদানৰ প্ৰশংসা কৰে।
২০২৩ চনৰ অক্টোবৰ মাহৰ পৰা চাহিবাবাদ আৰু দুহাই ডিপোৰ মাজৰ ১৭ কিলোমিটাৰ দৈৰ্ঘ্যৰ প্ৰাথমিক অংশত নমো ভাৰতে কাম-কাজ আৰম্ভ কৰিছিল। ইয়াৰ পাছতে ৮২ কিলোমিটাৰ দৈৰ্ঘ্যৰ সমগ্ৰ দিল্লী-গাজিয়াবাদ-মীৰুট কৰিড’ৰটো পৰ্যায়ক্ৰমে কাৰ্যকৰী কৰা হয়। প্ৰধানমন্ত্ৰীয়ে ২০২৬ চনৰ ২২ ফেব্ৰুৱাৰীত সমগ্ৰ নমো ভাৰত কৰিডৰৰ লগতে দেশবাসীৰ বাবে মীৰুট মেট্ৰ’ উচৰ্গা কৰে।
এনচিআৰটিচিৰ তথ্য অনুসৰি যাত্ৰীৰ সুবিধাৰ্থে নমো ভাৰতৰ আৰম্ভণি আৰু অন্তিম স্থানত অন্যান্য পৰিবহণৰ সৈতে সংযোগ আৰু সুলভতা উন্নত কৰাৰ প্ৰচেষ্টা চলোৱা হৈছে। প্ৰকল্পটোৰ পৰিৱেশ আৰু আৰ্থিক বহনক্ষমতা নিশ্চিত কৰাৰ বাবে ছোলাৰ অন ট্ৰেক পদক্ষেপৰ অধীনত ১১০ মেগাৱাট শক্তিৰ এটা সৌৰ শক্তি কেন্দ্ৰ গঢ়ি তোলা হৈছে।
এনচিআৰটিচিৰ পৰিচালন সঞ্চালক শালভ গোৱালে কয় যে সংস্থাটোৰ উদ্দেশ্য হৈছে আধুনিক, নিৰাপদ, নিৰ্ভৰযোগ্য, আৰু পৰিৱেশ অনুকূল আঞ্চলিক পৰিবহণ ব্যৱস্থা গঢ়ি তোলা। এই অনুষ্ঠানত অসাধাৰণ কৰ্মচাৰীসকলক বাৰ্ষিক বঁটা প্ৰদান কৰা হয়, আৰু সাংস্কৃতিক অনুষ্ঠানসমূহো অন্তৰ্ভুক্ত কৰা হয়।
এনচিআৰটিচিৰ তথ্য অনুসৰি দিল্লী-পানীপাট-কৰ্ণাল আৰু দিল্লী-গুৰুগ্ৰাম-বেহৰৰ নমো ভাৰত কৰিডৰত অতি সোনকালে অনুমোদন পোৱাৰ সম্ভাৱনা আছে। গাজিয়াবাদ-জেৱাৰ আৰু নয়দা-ফৰিদাবাদ-গুৰুগ্ৰাম কৰিডৰৰ বাবে বিশদ প্ৰকল্পৰ প্ৰতিবেদন চলি আছে।
হিন্দুস্থান সমাচাৰ / মনোজ কুমাৰ শইকীয়া
