নতুন দিল্লী, ১৮ অক্টোবৰ (হি.স.)। নিৰ্বাচন আয়োগে ৰাজনৈতিক দলসমূহক ভোটাৰ তালিকা অনুসন্ধানযোগ্য আৰ্হিত প্ৰদান কৰাৰ সিদ্ধান্তক লৈ কংগ্ৰেছৰ সাধাৰণ সম্পাদক জয়ৰাম ৰমেশে কেন্দ্ৰীয় চৰকাৰ আৰু নিৰ্বাচন আয়োগক লক্ষ্য কৰি লৈছে ।
তেওঁ অভিযোগ কৰে যে বিগত দুবছৰ ধৰি কংগ্ৰেছ তথা লোকসভাৰ বিৰোধী দলৰ নেতা ৰাহুল গান্ধীয়ে এই দাবী জনাই আহিছিল যদিও আয়োগে মানি লোৱা নাই। মুখ্য নিৰ্বাচন আয়ুক্ত জ্ঞানেশ কুমাৰৰ পদত্যাগৰ দাবী পুনৰবাৰ দাবী কৰি ৰমেশে ভোটাৰ তালিকাৰ বিশেষ সাৰাংশ পুনৰীক্ষণ (এছ এছ আৰ) শীঘ্ৰে বন্ধ কৰাৰ লগতে নিৰ্বাচন আয়োগৰ তথ্য প্ৰযুক্তি ব্যৱস্থাৰ ব্যাপক পৰিৱৰ্তনৰ দাবী জনায়।
দেওবাৰে জয়ৰাম ৰমেশে ছ’চিয়েল মিডিয়া প্লেটফৰ্ম এক্সত কয় যে নিৰ্বাচন আয়োগে ১৫ অক্টোবৰত এক নিৰ্দেশ জাৰি কৰিছিল, য’ত ১৭খন ৰাজ্য আৰু কেন্দ্ৰীয় শাসিত অঞ্চলৰ দুবছৰৰ ব্যৱধানৰ পিছত আৰম্ভ হোৱা বিশেষ সাৰাংশ পুনৰীক্ষণ (এছ এছ আৰ)ৰ বাবে ৰাজনৈতিক দলসমূহক ভোটাৰ তালিকা অনুসন্ধানযোগ্য আৰ্হিত প্ৰদান কৰাৰ সিদ্ধান্ত লৈছিল। কংগ্ৰেছে দীৰ্ঘদিন ধৰি সকলো ৰাজনৈতিক দলে ভোটাৰ তালিকা এই ফৰ্মেটত উপলব্ধ কৰিবলৈ দাবী জনাই আহিছে যদিও আয়োগে বাৰে বাৰে নাকচ কৰি আহিছে।
কংগ্ৰেছ দলে মধ্যপ্ৰদেশত ভুৱা ভোটাৰৰ অভিযোগ উত্থাপন কৰাৰ পিছতে নিৰ্বাচন আয়োগে ২০১৮ চনত চাৰ্চযোগ্য ভোটাৰ তালিকা প্ৰদান বন্ধ কৰি দিয়াৰ অভিযোগ উত্থাপন কৰে ৰমেশে। ইয়াৰ ফলত ৰাজনৈতিক দলসমূহে ভোটাৰ তালিকাৰ সত্যাসত্য নিৰূপণ কৰাত অসুবিধাৰ সৃষ্টি কৰিছিল আৰু এই ব্যৱস্থাৰ জৰিয়তে নিৰ্বাচনী প্ৰৱঞ্চনাৰ অভিযোগ লুকুৱাই ৰখা হৈছিল।
ৰমেশে কয় যে আয়োগৰ ওপৰত জনসাধাৰণৰ আস্থা ঘূৰাই আনিবলৈ মুখ্য নিৰ্বাচন আয়ুক্তই পদত্যাগ কৰিব লাগে। তেওঁ লগতে কয় যে কেৱল তেওঁৰ পদত্যাগেহে সমস্যা সমাধান কৰিব নোৱাৰে, কিন্তু নিৰ্বাচন আয়োগ আৰু ইয়াৰ তথ্য প্ৰযুক্তি ব্যৱস্থাৰ ব্যাপক সংস্কাৰৰ প্ৰয়োজন। লগতে এছ আই আৰক শীঘ্ৰে নিলম্বন কৰাৰ দাবী উত্থাপন কৰে।
--------------
হিন্দুস্থান সমাচাৰ / অৰৱিন্দ
