কাঠমাণ্ডু, ১৭ অক্টোবৰ (হি.স.)। ৰাজহুৱা বিষয়াক অপসাৰণৰ বাবে বিশেষ বিধান অধ্যাদেশ জাৰি কৰাৰ পিছৰে পৰা নেপাল চৰকাৰে ৮০টা ৰাজহুৱা সংস্থাত ৬১১জন বিষয়াক নিযুক্তি দিছে৷
প্ৰধানমন্ত্ৰী আৰু মন্ত্ৰী পৰিষদৰ কাৰ্যালয়ৰ যুটীয়া সম্পাদক হেমৰাজ আৰয়ালে শনিবাৰে সংবাদমেলত কয় যে এই নিযুক্তিসমূহ বিভিন্ন মন্ত্ৰালয়, আয়োগ, একাডেমী, বিশ্ববিদ্যালয়, ব’ৰ্ড, পৰিষদ, নিগম আদিত কৰা হৈছে। তেওঁ লগতে কয় যে নিযুক্তি প্ৰক্ৰিয়া মুকলি, প্ৰতিযোগিতামূলক আৰু স্বচ্ছ আছিল।
মুঠ নিযুক্তিৰ ভিতৰত ৪১৯টা নিযুক্তি বিভিন্ন মন্ত্ৰালয়ে কৰিছিল। প্ৰধানমন্ত্ৰীৰ কাৰ্যালয়ৰ প্ৰস্তাৱত মন্ত্ৰী পৰিষদে ১৪টা নিযুক্তি দিয়াৰ বিপৰীতে প্ৰধানমন্ত্ৰীয়ে বিশ্ববিদ্যালয়, আয়োগ, একাডেমীত ১৭৮টা বিষয়া নিযুক্তি দিয়ে।
সাংস্কৃতিক, পৰ্যটন, আৰু অসামৰিক বিমান পৰিবহণ মন্ত্ৰালয়ে সৰ্বাধিক নিযুক্তি লাভ কৰে, ১৩টা সংস্থাত ১৬৯জন বিষয়া নিযুক্তি দিয়া হয়। একেদৰে স্বাস্থ্য আৰু খাদ্য অনাময় মন্ত্ৰালয়ে ১৫টা সংস্থাত ৮২জন বিষয়া আৰু শিক্ষা আৰু ক্ৰীড়া মন্ত্ৰালয়ে ১৮টা সংস্থাত ৭০জন বিষয়া নিযুক্তি দিছে।
-----------
হিন্দুস্থান সমাচাৰ / অৰৱিন্দ
