মুম্বাই, ১৬ অক্টোবৰ (হি.স.)। প্ৰডাকচন কোম্পানী বি এল এম পিকচাৰ্ছে ঘোষণা কৰিছে তেওঁলোকৰ নতুন ৰোমান্টিক-কমেডী ছবি বাটো হি বাটো মে। ৰোশন মেথিউ আৰু অক্ষয় কুমাৰৰ ভতিজী ছিমাৰ ভাটিয়াক প্ৰথমবাৰৰ বাবে একেলগে দেখা যাব ছবিখনত। ধীৰাজ বসুৰ দ্বাৰা পৰিচালিত ছবিখনৰ শ্বুটিং নৱেম্বৰ মাহত আৰম্ভ হোৱাৰ কথা। কথা-বতৰা, সংযোগ, সম্পৰ্কৰ হঠাৎ পৰিৱৰ্তন আদিৰ আশে-পাশে ছবিখনৰ কাহিনী ঘূৰি থাকে।
অগস্ত্য নন্দৰ সৈতে অভিনয় কৰা শ্ৰীৰাম ৰাঘৱনৰ এক্কিছ ছবিৰ জৰিয়তে অভিনয়ত আত্মপ্ৰকাশ কৰে ছিমাৰ ভাটিয়াই। প্ৰথম ছবিখনৰ পিছত এতিয়া তেওঁ বাটো হি বাটো মেৰ সৈতে নতুন চৰিত্ৰত অভিনয় কৰিব। এই ছবিখনে ৰোশন মেথিউৰ সৈতে ডাঙৰ পৰ্দাত প্ৰথমবাৰৰ বাবে দেখা দিছে।
হিন্দী আৰু দক্ষিণ ভাৰতীয় চিনেমাত অভিনয়ৰ বাবে পৰিচিত ৰোশন মেথিউ। কাপুৰ এণ্ড সন্স, ডাৰ্লিংছ, উলঝ আদি ছবিত কাম কৰিছে। বাটো হি বাটো মে য়ে দৰ্শকৰ আগত ৰোশন আৰু ছিমাৰৰ নতুন যুটিৰ পৰিচয় দিব। নৱেম্বৰৰ পৰা আৰম্ভ হ’ব ছবিখনৰ শ্বুটিং।
-----------------
হিন্দুস্থান সমাচাৰ / অৰৱিন্দ
