মাস্কাট (ওমান)/তেহৰাণ (ইৰাণ), ১২ অক্টোবৰ (হি.স.)। ওমানৰ সোহাৰৰ সমীপত খাৰুৱা তেল টেংকাৰত ড্ৰ’ন আক্ৰমণৰ কথা নিশ্চিত কৰিছে ব্ৰিটেইনৰ সামুদ্ৰিক নিৰাপত্তা সংস্থা ইউনাইটেড কিংডম মেৰিটাইম ট্ৰেড অপাৰেচনে। সংস্থাটোৰ মতে, ওমানৰ সোহাৰ এংকৰেজৰ সমীপত এখন খাৰুৱা তেল টেংকাৰ ড্ৰ’নে আক্ৰমণ কৰে। এই আক্ৰমণৰ পিছত সন্ধানহীন হৈ আছে দুজন ভাৰতীয় নাৱিক।

গালফ নিউজৰ মতে, ইউকেএমটিঅ’ই এক আপডেটত কয় যে টেংকাৰখনক ক্ৰুবিহীন বিমান (ড্ৰ’নে) আক্ৰমণ কৰিছিল। স্থানীয় কৰ্তৃপক্ষই নিৰাপদে ক্ৰুসকলক উলিয়াই আনে। পৰিৱেশ প্ৰভাৱ সন্দৰ্ভত তাৎক্ষণিক তথ্য লাভ কৰা হোৱা নাছিল।

ইৰাণৰ কিছুমান চৰ্ত মানি লৈছে আমেৰিকাইঃ ইফালে দেওবাৰে এক্সত ইৰাণৰ বিষয়া মহচেন ৰেজাইয়ে কয় যে সংঘাতৰ অন্ত পেলাবলৈ তেহৰাণৰ সাতটা চৰ্তৰ ভিতৰত কিছুমান চৰ্ত আমেৰিকাই মানি লৈছে। ইৰাণৰ উচ্চতম ৰাষ্ট্ৰীয় নিৰাপত্তা পৰিষদৰ সচিব ৰেজাইয়ে কয় যে ইৰাণৰ সাতটা চৰ্তৰ ভিতৰত কিছুমান চৰ্তত আমেৰিকাই সন্মতি প্ৰকাশ কৰিছে যদিও আমি ইয়াৰ সঁহাৰি অপৰ্যাপ্ত বুলি বিবেচনা কৰোঁ।

ৰেজাইয়ে ৱাশ্বিংটনে হৰমুজ জলদ্বীপ পুনৰ মুকলি কৰাত ব্যৰ্থ হোৱাৰ লগতে “চোৰাং ব্যৱসায়”ৰ আশ্ৰয় লোৱাৰ অভিযোগো উত্থাপন কৰে। তেওঁ লিখিছে, এতিয়া যেতিয়া আমেৰিকাৰ বহৰে হৰমুজ পুনৰ মুকলি কৰাত ব্যৰ্থ হৈছে, তেতিয়া ই চোৰাং ব্যৱসায়ৰ আশ্ৰয় লৈছে। আমেৰিকাৰ সেনাই কেতিয়াও ইমান লজ্জাজনক স্তৰলৈ কুঁজৰাই যোৱা নাই। ইৰানে ৱাশ্বিংটনে নিজৰ দাবী মানি ল’লে সাত দিনৰ ভিতৰত স্বাভাৱিক জাহাজ চলাচল পুনৰ ঘূৰাই অনাৰ প্ৰস্তাৱ দিছিল। কাটাৰৰ মধ্যস্থতাকাৰীৰ জৰিয়তে আমেৰিকাই প্ৰতিক্ৰিয়া প্ৰকাশ কৰে।

-----------------

হিন্দুস্থান সমাচাৰ / অৰৱিন্দ