নতুন দিল্লী, ০৮ জানুৱাৰী (হি.স.)। বহু অপেক্ষাৰ অন্তত টাটা গ্ৰুপৰ নেতৃত্বত এয়াৰ ইণ্ডিয়াই লাভ কৰিছে লাইন ফিট বয়িং ৭৮৭-৯ বিমান। আঠ বছৰতকৈ অধিক সময়ৰ ভিতৰত এইখনেই হৈছে বিমান সংস্থাটোৰ বহৰত যোগদান কৰা প্ৰথমখন ড্ৰিমলাইনাৰ। আমেৰিকাৰ অসামৰিক বিমান পৰিবহণ সঞ্চালকালয়ৰ পৰিদৰ্শনৰ পিছত অহা কেইদিনমানৰ ভিতৰত বিমানখন ভাৰতত উপস্থিত হোৱাৰ সম্ভাৱনা আছে।

৭ জানুৱাৰীত এয়াৰ ইণ্ডিয়াই আমেৰিকাৰ ছিয়াটলত বয়িঙৰ এভাৰেট কাৰখানাত ড্ৰিমলাইনাৰৰ ডেলিভাৰী লয়। ২০২২ চনৰ জানুৱাৰী মাহত ব্যক্তিগতকৰণৰ পিছত এয়াৰ ইণ্ডিয়াৰ প্ৰথমখন লাইন ফিট ড্ৰিমলাইনাৰ। এয়াৰ ইণ্ডিয়াই শেষবাৰৰ বাবে ২০১৭ চনৰ অক্টোবৰ মাহত লাইন ফিট ড্ৰিমলাইনাৰ লাভ কৰিছিল, যেতিয়া এই বিমান সংস্থাটো ভাৰত চৰকাৰৰ মালিকানাধীন আছিল। বিমান উদ্যোগত লাইন ফিটৰ অৰ্থ হ'ল এটা ডিভাইচ, চিষ্টেম বা বৈশিষ্ট্য এটা বিমানত নিৰ্মাণ (সমাবেশ) প্ৰক্ৰিয়াৰ সময়ত সংস্থাপন কৰা হয়, পিছত যোগ কৰা নহয়।

এয়াৰ ইণ্ডিয়াৰ তথ্য অনুসৰি ২০২৩ চনত অৰ্ডাৰ দিয়া ২২০খন বয়িং বিমানৰ ভিতৰত এয়া ৫২ সংখ্যক বিমান। ইতিমধ্যে এয়াৰ ইণ্ডিয়া এক্সপ্ৰেছে ৫১খন সংকীৰ্ণ শৰীৰৰ বয়িং ৭৩৭-৮ বিমান লাভ কৰিছে, যিবোৰ ডিচেম্বৰৰ শেষৰ ফালে ডেলিভাৰী কৰা হৈছিল। ২০২২ চনৰ জানুৱাৰী মাহত টাটা গ্ৰুপ অধিগ্ৰহণৰ পিছত এয়াৰ ইণ্ডিয়াই ৩৫০ খন এয়াৰবাছ আৰু ২২০ খন বয়িং বিমানৰ অৰ্ডাৰ দিছিল। এয়াৰবাছৰ অৰ্ডাৰৰ ছখন এ৩৫০ বিমান ইতিমধ্যে এয়াৰ ইণ্ডিয়াৰ বহৰত অন্তৰ্ভুক্ত কৰা হৈছে। ইতিমধ্যে এয়াৰ ইণ্ডিয়াৰ বিস্তাৰাৰ পৰা ২৬খন বি৭৮৭-৮ আৰু ৬খন বি৭৮৭-৯ বিমান আছে।

এয়াৰ ইণ্ডিয়াৰ সৈতে একত্ৰিত হৈছে ভিষ্টাৰ। বৰ্তমান এয়াৰ ইণ্ডিয়া গ্ৰুপৰ ৩০০ৰো অধিক বিমান আছে, ইয়াৰে ১৮৫খন এয়াৰ ইণ্ডিয়াৰ আৰু বাকী বিমান এয়াৰ ইণ্ডিয়া এক্সপ্ৰেছৰ। এয়াৰ ইণ্ডিয়াৰ প্ৰায় এক ডজন পুৰণি ড্ৰিমলাইনাৰ বিমানে ২০২৬ চনৰ ভিতৰত নতুন ৰূপত পুনৰ সেৱা আৰম্ভ কৰিব পাৰে।

हिन्दुस्थान समाचार / মনোজ কুমাৰ শইকীয়া