মহান বিজ্ঞানী ষ্টিফেন হকিঙৰ ১৯৪২ চনৰ ৮ জানুৱাৰীত ইংলেণ্ডৰ অক্সফৰ্ডত জন্ম হৈছিল । তেওঁক আধুনিক যুগৰ অন্যতম প্ৰভাৱশালী বিজ্ঞানী হিচাপে গণ্য কৰা হয়। ব্ৰহ্মাণ্ডবিজ্ঞান আৰু তাত্ত্বিক পদাৰ্থ বিজ্ঞানত তেওঁৰ অৱদানে বিজ্ঞানৰ জগতখনক গঢ় দিছিল।
কৃষ্ণগহ্বৰ, বিগ বেং তত্ত্ব আৰু স্থান আৰু সময়ৰ গঠনৰ ওপৰত হকিঙৰ গৱেষণাই তেওঁক আন্তঃৰাষ্ট্ৰীয় খ্যাতি কঢ়িয়াই আনিছিল। তেওঁৰ প্ৰশংসিত গ্ৰন্থ এ ব্ৰিফ হিষ্ট্ৰী অৱ টাইম-এ জটিল বৈজ্ঞানিক ধাৰণাসমূহ সাধাৰণ জনতাৰ বাবে সুলভ কৰি তোলাত গুৰুত্বপূৰ্ণ ভূমিকা পালন কৰিছিল।
গুৰুতৰ ৰোগ এএলএছ (Amyotrophic Lateral Sclerosis)ৰ সৈতে যুঁজিলেও ষ্টিফেন হকিঙে নিজৰ সাহস, বুদ্ধিমত্তা আৰু বৈজ্ঞানিক চিন্তাধাৰাৰে বিশ্বক অনুপ্ৰাণিত কৰিছিল। তেওঁৰ জীৱনে এই বাৰ্তা প্ৰেৰণ কৰে যে শাৰীৰিক সীমাবদ্ধতাই জ্ঞান আৰু কল্পনাৰ উৰণ বন্ধ কৰিব নোৱাৰে। ষ্টিফেন হকিঙে ১৩টা সন্মানীয় ডিগ্ৰী আৰু আমেৰিকাৰ সৰ্বোচ্চ অসামৰিক সন্মান লাভ কৰে। তেওঁ ব্ৰহ্মাণ্ডবিজ্ঞানৰ অসাধাৰণ অৱদানৰ বাবে এলবাৰ্ট আইনষ্টাইন বঁটাকে ধৰি বহুতো বঁটা লাভ কৰে। ২০১৮ চনৰ ১৪ মাৰ্চত ৭৬ বছৰ বয়সত মৃত্যু হয় ষ্টিফেন হকিঙৰ।
গুৰুত্বপূৰ্ণ পৰিঘটনা
১০২৬ - আজিৰ দিনটোতে চুলতান মেহমুদ গজনৱীয়ে সোমনাথ মন্দিৰ লুটপাত কৰি ধ্বংস কৰে।
১৭৯০ - আমেৰিকাৰ প্ৰথম ৰাষ্ট্ৰপতি জৰ্জ ৱাশ্বিংটনে প্ৰথমবাৰৰ বাবে ৰাষ্ট্ৰক সম্বোধন কৰে।
১৮০০ - অষ্ট্ৰিয়াই দ্বিতীয়বাৰৰ বাবে ফ্ৰান্সক পৰাস্ত কৰে।
১৯৫২ - জৰ্ডানে নিজৰ সংবিধান গ্ৰহণ কৰে।
১৯২৯ - নেদাৰলেণ্ড আৰু ৱেষ্ট ইণ্ডিজৰ মাজত প্ৰথম টেলিফোন সংযোগ স্থাপন কৰা হয়।
১৯৯৫ - সমাজবাদী চিন্তাবিদ, স্বাধীনতা সংগ্ৰামী, ৰাম মনোহৰ লোহিয়া আৰু জয়প্ৰকাশ নাৰায়ণৰ ঘনিষ্ঠ সহযোগী মধু লিমায়েৰ মৃত্যু হয়।
১৯৯৬ - ফ্ৰান্সৰ প্ৰাক্তন ৰাষ্ট্ৰপতি ফ্ৰান্সোৱা মিটেৰাণ্ডৰ পেৰিছত ৭৯ বছৰ বয়সত মৃত্যু হয়।
২০০১ - আইভৰি কোষ্টৰ বিদ্ৰোহ ব্যৰ্থ হয়।
২০০১ - ভাৰতৰ প্ৰধানমন্ত্ৰী অটল বিহাৰী বাজপেয়ীয়ে ভিয়েটনাম আৰু ইণ্ডোনেছিয়া ভ্ৰমণৰ বাবে ভিয়েটনামত উপস্থিত হয়।
২০০১ - ভাৰত আৰু ভিয়েটনামে কেইবাখনো চুক্তি স্বাক্ষৰ কৰে।
২০০১ - ঘানাত জে চি ৰলিংছৰ দুটা দশকৰ শাসনৰ অন্ত পৰে আৰু জন কুফাৰে ৰাষ্ট্ৰপতি হয়।
২০০৩ - থাইলেণ্ডৰ নাখন পাথমত শ্ৰীলংকা চৰকাৰ আৰু এল টি টি ইৰ মাজত আলোচনা আৰম্ভ হয়।
২০০৮ - কেন্দ্ৰীয় চৰকাৰে অৰুণ ৰামানথনক বিত্তীয় খণ্ডৰ সম্পাদক হিচাপে নিযুক্তি দিয়ে।
২০০৮ - প্ৰধানমন্ত্ৰী মনমোহন সিঙে ষষ্ঠ প্ৰবাসী ভাৰতীয় দিৱস অধিৱেশনৰ শুভাৰম্ভ কৰে।
২০০৮ চনত ঔপন্যাসিক তথা সাংবাদিক মেকড'নাল্ড ফ্ৰেজাৰৰ মৃত্যু হয়।
২০০৯ - প্ৰাক্তন উপ-ৰাষ্ট্ৰপতি ভৈৰণ সিং শ্বেখাৱটে লোকসভা নিৰ্বাচনত প্ৰতিদ্বন্দ্বিতা কৰাৰ কথা ঘোষণা কৰে।
২০০৯ - কোষ্টা ৰিকাৰ উত্তৰ অঞ্চলত ৬.১ প্ৰাবল্যৰ ভূমিকম্পত ১৫ জন লোকৰ মৃত্যু হয় আৰু ৩২ জন আহত হয়।
২০১৭ - ইজৰাইলৰ জেৰুজালেমত ট্ৰাক আক্ৰমণত কমেও ৪ জন জোৱান নিহত আৰু ১৫ জন আহত।
২০২০ - মহাকাশ সহযোগিতাৰ বাবে ভাৰত আৰু মংগোলিয়াৰ মাজত স্বাক্ষৰিত চুক্তিত কেন্দ্ৰীয় কেবিনেটে অনুমোদন জনায়।
২০২০ - ভাৰতীয় প্ৰতিযোগিতা আয়োগে (চিচিআই) ‘ভাৰতত ই-কমাৰ্চৰ বজাৰ অধ্যয়ন: মূল তথ্য আৰু পৰ্যবেক্ষণ’ শীৰ্ষক এক প্ৰতিবেদন প্ৰকাশ কৰে।
২০২০ - ভাৰতত ই-কমাৰ্চৰ ওপৰত চিচিআইৰ বজাৰ অধ্যয়ন ২০১৯ চনৰ এপ্ৰিল মাহত আৰম্ভ কৰা হৈছিল।
২০২০ - টেলিকম কোম্পানী ৰিলায়েন্স জিঅ’ই আনুষ্ঠানিকভাৱে মুকলি কৰিলে ৱাই-ফাই কলিং। এই সেৱাই যিকোনো ৱাই-ফাই নেটৱৰ্কত আৰু ভাৰতৰ সকলো ঠাইতে কাম কৰিব।
জন্ম
১৮৯০ - ৰামচন্দ্ৰ বৰ্মা - হিন্দী সাহিত্যিক।
১৯০৮ - নাদিয়া - বিখ্যাত ভাৰতীয় অভিনেত্ৰী।
১৯০৯ - আশাপূৰ্ণা দেৱী, ঔপন্যাসিক।
১৯২৫ - মোহন ৰাকেশ, সাহিত্যিক।
১৯২৬ - কেলুচৰণ মহাপাত্ৰ - ওডিচি নৃত্যশিল্পী আৰু এগৰাকী প্ৰকৃত শিল্পপ্ৰেমী।
১৯২৯ – ভাৰতীয় অভিনেতা ছাইদ জাফ্ৰি
১৯৩৮ – নন্দা – বিখ্যাত ভাৰতীয় চলচ্চিত্ৰ অভিনেত্ৰী।
১৯৪১ – আৰ ভি জানকীৰমণ – পুডুচেৰীৰ প্ৰাক্তন সপ্তম মুখ্যমন্ত্ৰী।
১৯৪২ – ষ্টিফেন হকিং, প্ৰখ্যাত ব্ৰিটিছ পদাৰ্থবিজ্ঞানী
১৯৫৩ – মাণিক সাহা – ভাৰতীয় জনতা পাৰ্টিৰ ৰাজনীতিবিদ আৰু ওড়িশাৰ নৱনিযুক্ত মুখ্যমন্ত্ৰী।
১৯৭২ – হেমচন্দ্ৰ গোস্বামী – আধুনিক অসমীয়া সাহিত্যৰ প্ৰাৰম্ভিক কালত অসমৰ ভাৰতীয় সাহিত্যিক, কবি, ইতিহাসবিদ, শিক্ষক, ভাষাবিদ।
১৯৭৫ – ভাৰতীয় সংগীতজ্ঞ হেৰিছ জয়ৰাজ।
১৯৮৪ – কিম জং উন – উত্তৰ কোৰিয়াৰ তৃতীয় সৰ্বোচ্চ নেতা।
১৯৯৩ – সত্যিয়ান জ্ঞানসেকৰন – ভাৰতীয় টেবুল টেনিছ খেলুৱৈ।
মৃত্যু
১৮৮৪ – কেশৱ চন্দ্ৰ সেন – এজন প্ৰখ্যাত ধৰ্ম আৰু সমাজ সংস্কাৰক, ব্ৰহ্ম সমাজৰ অন্যতম প্ৰতিষ্ঠাপক।
১৯৪১ - প্ৰণৱনন্দ মহাৰাজ - ভাৰত সেৱাশ্ৰম সংঘৰ স্বামী।
১৯৫৫ - মধু লিমায়ে - ভাৰতীয় ৰাজনীতিবিদ আৰু সমাজবাদী আন্দোলনৰ অন্যতম নেতা।
১৯৮৪ - সুষমা মুখোপাধ্যায় - প্ৰথম ভাৰতীয় মহিলা পাইলট।
গুৰুত্বপূৰ্ণ দিন
- আফ্ৰিকান নেচনেল কংগ্ৰেছ প্ৰতিষ্ঠা দিৱস।
हिन्दुस्थान समाचार / অৰৱিন্দ
