বিশেষ জন্মদিনত অভিনেতা, প্ৰযোজক, মানসিক স্বাস্থ্য কৰ্মী দীপিকা পাডুকনে উদীয়মান যুৱ সৃষ্টিশীল প্ৰতিভাৰ প্ৰচাৰৰ বাবে এক নতুন পদক্ষেপ গ্ৰহণ কৰিছে। সত্য কাহিনী আৰু নতুন শিল্পীৰ বাবে এক মঞ্চ প্ৰদানৰ দৃষ্টিভংগী অব্যাহত ৰাখি দীপিকাই ‘দ্য অনচেট প্ৰগ্ৰেম’ আৰম্ভ কৰাৰ কথা ঘোষণা কৰে। ভাৰতীয় চলচ্চিত্ৰ, টেলিভিছন, আৰু বিজ্ঞাপনত কেৰিয়াৰ গঢ়িবলৈ আকাংক্ষিত নতুন সৃষ্টিশীল পেছাদাৰীসকলক স্বীকৃতি, সুযোগ, আৰু পথ প্ৰদৰ্শন আগবঢ়োৱাৰ লক্ষ্যৰে এইটোৱেই হৈছে তেওঁৰ ‘ক্ৰিয়েট উইথ মি’ প্লেটফৰ্মৰ পৰৱৰ্তী পৰ্যায়।
এই কাৰ্যসূচীয়ে কেৱল উচ্চাকাংক্ষী প্ৰতিভাক প্ৰশিক্ষণ আৰু অভিজ্ঞতা প্ৰদান কৰাই নহয়, দক্ষতা আৰু অভিজ্ঞতা থকাসকলৰ বাবেও নিজৰ প্ৰকল্প পৰিচালনাৰ এক শক্তিশালী মঞ্চ প্ৰদান কৰিব। প্ৰথম পৰ্যায়ত লেখা, পৰিচালনা, চিনেমাট’গ্ৰাফী, পোহৰ, সম্পাদনা, শব্দ, শিল্প, সাজ-পোছাকৰ ডিজাইন, চুলিৰ ষ্টাইলিং, মেকআপ, আৰু প্ৰডাকচন আদি মূল সৃষ্টিশীল শাখাসমূহ সামৰি লোৱা হয়।
দীপিকা পাডুকনে ইনষ্টাগ্ৰামত এটা ভিডিঅ’ শ্বেয়াৰ কৰি এই পদক্ষেপৰ কথা ঘোষণা কৰে। যোৱা এবছৰ ধৰি ভাৰত আৰু বিদেশৰ শ্ৰেষ্ঠ সৃষ্টিশীল প্ৰতিভাক চিনাক্ত কৰি তেওঁলোকৰ কণ্ঠ শুনাব পৰা আৰু তেওঁলোকৰ কামক স্বীকৃতি দিয়াৰ মঞ্চ প্ৰদানৰ বাবে কাম কৰি আহিছে বুলিও কয় ছানীয়ে। দ্য অনচেট প্ৰগ্ৰেম মুকলি কৰাত আনন্দ প্ৰকাশ কৰি তেওঁ কয় যে পৰৱৰ্তী প্ৰজন্মৰ সৃষ্টিশীল প্ৰতিভাক লগ পাই তেওঁলোকৰ বৃদ্ধি হোৱা দেখি তেওঁ উৎসাহিত হৈছে। দীপিকা পাডুকনৰ এই কাৰ্যসূচী এতিয়া অফিচিয়েল ৱেবছাইট onsetprogram.in ত লাইভ হৈছে, য’ত আগ্ৰহী অংশগ্ৰহণকাৰীসকলে নিজৰ কাম জমা দিব পাৰে আৰু অভিজ্ঞ আৰু প্ৰখ্যাত উদ্যোগৰ পেছাদাৰীসকলৰ সৈতে কাম কৰাৰ সুযোগ লাভ কৰিব পাৰে।
हिन्दुस्थान समाचार / মনোজ কুমাৰ শইকীয়া
