ৰাষ্ট্ৰীয় স্বয়ংসেৱক সংঘৰ বাবে এইবছৰ অতি বিশেষ আৰু ঐতিহাসিক। দেশৰ সামাজিক, ৰাজনৈতিক, সাংস্কৃতিক তন্ত্ৰত গুৰুত্বপূৰ্ণ ভূমিকা গ্ৰহণ কৰা সংঘই এইবাৰ ১০০ বছৰ সম্পূৰ্ণ কৰিছে। এই উপলক্ষে উজ্জ্বল কৰি তোলা হিন্দী ছবি শতক (সংঘৰ ১০০ বছৰ) অতি সোনকালে মুক্তি পাব।
এই শতিকাটো সম্পূৰ্ণ কৰি ৰাষ্ট্ৰীয় স্বয়ংসেৱক সংঘ ভাৰতৰ আটাইতকৈ পৰিচিত সংগঠনসমূহৰ ভিতৰত অন্যতম। কিন্তু সংঘৰ প্ৰতি জনসাধাৰণৰ ধাৰণা প্ৰায়ে সম্যক বুজাবুজিৰ পৰিৱৰ্তে অসম্পূৰ্ণ তথ্য আৰু পক্ষপাতিত্বৰ ওপৰত ভিত্তি কৰিয়েই কৰা হৈছে। সংঘৰ মূল দৰ্শন, ইয়াৰ মূল্যবোধৰ ব্যৱস্থা, আৰু ইয়াৰ আভ্যন্তৰীণ কাম-কাজ বুজিবলৈ তুলনামূলকভাৱে কম প্ৰচেষ্টাহে কৰা হৈছে।
এই পটভূমিত শতক ছবিখনে হাইপ আৰু ধাৰণাক অতিক্ৰম কৰি ৰাষ্ট্ৰীয় স্বয়ংসেৱক সংঘৰ সঁচা, সৎ, আৰু ঐতিহাসিক যাত্ৰাক উপস্থাপন কৰাৰ প্ৰয়াস কৰিছে। বীৰ কাপুৰৰ প্ৰযোজনা আৰু আশীষ তিৱাৰীৰ সহ-প্ৰযোজক এই ছবিখন এডিএ৩৬০ ডিগ্ৰী এলএলপিৰ সহযোগত নিৰ্মাণ কৰা হৈছিল। ছবিখনত আৰ এছ এছৰ প্ৰতিষ্ঠাপক ড০ কেশৱ বলিৰাম হেডগেৱাৰৰ অৱদানৰ লগতে এম.এছ. গোলৱালকাৰ (গুৰুজী)। মূল্যবোধ, অনুশাসন, দীৰ্ঘম্যাদী দৃষ্টিভংগীৰ ওপৰত ভিত্তি কৰি আৰ এছ এছৰ চৰিত্ৰটো ছবিখনৰ জৰিয়তে চিত্ৰিত কৰা হৈছে।
ছবিখনৰ প্ৰযোজক বীৰ কাপুৰে কয়, মই সদায় এই ৰাষ্ট্ৰৰ সেৱা কৰি আহিছো আৰু একে মনোভাৱেৰে ৰাষ্ট্ৰীয় স্বয়ংসেৱক সংঘক সেৱা আগবঢ়াবলৈ চেষ্টা কৰিছো। 'শতক' হৈছে এশ বছৰৰ আগতে আৰম্ভ হোৱা আৰু নিস্তব্ধ কিন্তু অহৰহ কঠোৰ পৰিশ্ৰমৰ মাজেৰে আগবাঢ়ি যোৱা যাত্ৰাৰ বিনম্ৰ উপস্থাপন। আজি যেতিয়া বিশ্বই প্ৰেৰণাৰ বাবে ভাৰতৰ ফালে চায়, তেতিয়া আৰ এছ এছৰ ভূমিকা সৎভাৱে, পক্ষপাতিত্ব নোহোৱাকৈ উপস্থাপন প্ৰয়োজনীয়। আশীষ মলৰ পৰিচালনাত নিৰ্মিত ‘শতক’ চলিত বৰ্ষত দেশজুৰি চিনেমাগৃহত মুক্তি পোৱাৰ কথা।
हिन्दुस्थान समाचार / মনোজ কুমাৰ শইকীয়া
