নতুন দিল্লী, ০৭ ছেপ্টেম্বৰ (হি.স.)। প্ৰধানমন্ত্ৰী নৰেন্দ্ৰ মোডীৰ ৭৫ সংখ্যক জন্মদিনত বিজেপি যুৱ মৰ্চাৰ উদ্যোগত অহা ২১ ছেপ্টেম্বৰৰ পুৱা ৭ বজাত ‘নমো যুৱ দৌৰ’ৰ আয়োজন কৰা হ’ব। সমগ্ৰ দেশৰ ৭৫ স্থানত ১০ লাখ যুৱকে এই দৌৰত অংশগ্ৰহণ কৰিব। সাংসদ তেজস্বী সূৰ্য্যই প্ৰধানমন্ত্ৰী মোদীক আটাইতকৈ ডাঙৰ ফিটনেছ আইকন বুলি অভিহিত কৰে। অভিনেতা তথা ফিটনেছ মডেল মিলিন্দ সোমনক এই অনুষ্ঠানৰ এম্বেছাদৰ হিচাপে নিযুক্তি দিয়া হৈছে।
দেওবাৰে বিজেপিৰ মুখ্য কাৰ্যালয়ত এখন সংবাদমেলযোগে সাংসদ তেজস্বী সূৰ্য্য আৰু কেন্দ্ৰীয় মন্ত্ৰী মানসুখ মাণ্ডবিয়াই যৌথভাৱে এই প্ৰচাৰৰ কথা ঘোষণা কৰে। এই উপলক্ষে অভিনেতা তথা মডেল মিলিন্দ সোমনক ‘নমো যুৱ দৌৰ’ৰ এম্বেছাদৰ হিচাপে ঘোষণা কৰা হয়। অনুষ্ঠানৰ শুভাৰম্ভণি অনুষ্ঠানত তেজস্বী সূৰ্য্য আৰু মিলিন্দ সোমনেও ‘পুছ-আপ চেলেঞ্জ’ত অংশগ্ৰহণ কৰে।
মাণ্ডবিয়াই কয় যে প্ৰধানমন্ত্ৰী মোডীৰ কাৰ্যকালৰ ১১ বছৰত কৰ বোজা ক্ৰমাগতভাৱে হ্ৰাস পাইছে আৰু বাজেট ক্ৰমাগতভাৱে বৃদ্ধি পাইছে। জনসাধাৰণৰ ওপৰত বোজা কমি আহিল আৰু অধিক লোকে কৰ পৰিশোধৰ কামত অংশগ্ৰহণ কৰিলে। তেওঁ কয় যে আজি দেশৰ বাজেট ৫১ লাখ কোটি টকা হৈছেগৈ। স্বদেশীৰ সৈতে সংযোগ স্থাপন আৰু ৰাইজৰ মাজলৈ এই বাৰ্তা প্ৰচাৰৰ বাবে ‘নমো যুৱ দৌৰ’ত যোগদান কৰিবলৈ তেওঁ ৰাইজক আহ্বান জনায়।
তেজস্বী সূৰ্য্যই কয় যে এই অভিযানে যুৱ শক্তিৰ জৰিয়তে জনসাধাৰণক জাগ্ৰত কৰাৰ কাম কৰিব। সমগ্ৰ দেশৰ যুৱক-যুৱতীসকলে নতুন ভাৰত নিৰ্মাণত অংশগ্ৰহণৰ সুযোগ পাব।
हिन्दुस्थान समाचार / অৰৱিন্দ
