অজয় দেৱগন আৰু মৃণাল ঠাকুৰৰ কমিক মনোৰঞ্জক ছবি ‘ছন অৱ চৰ্দাৰ ২’ ছবিখনে ১ আগষ্টত ছবিগৃহত মুক্তি লাভ কৰে। প্ৰথম তিনিদিনত ই ভাল উপাৰ্জন কৰিছিল যদিও সপ্তাহটো আৰম্ভ হোৱাৰ লগে লগে ছবিখনৰ উপাৰ্জন যেন লেহেমীয়া হৈছে। এতিয়া শেহতীয়া তথ্য অনুসৰি চতুৰ্থ দিনৰ অৰ্থাৎ সোমবাৰৰ বক্স অফিচ সংগ্ৰহ ওলাইছে।
বক্স অফিচ ট্ৰেকাৰ ছাকনিলকৰ প্ৰতিবেদন অনুসৰি মুক্তিৰ চতুৰ্থ দিন সোমবাৰে ‘ছন অৱ চৰ্দাৰ ২’ই প্ৰায় ২.৫০ কোটি টকা সংগ্ৰহ কৰে। ইয়াৰ লগে লগে ছবিখনৰ মুঠ উপাৰ্জন এই পৰ্যন্ত ২৭.২৫ কোটি টকা হৈছেগৈ। ছবিখনে মুকলিৰ দিনা ৭.২৫ কোটি, দ্বিতীয় দিনা ৮.২৫ কোটি আৰু তৃতীয় দিনা ৯.২৫ কোটি টকাৰ ব্যৱসায় কৰিছিল। কোৱা হৈছে যে এই ছবিখনৰ বাজেট প্ৰায় ৮০ কোটি টকা, গতিকে এই ছবিখন হিট হ’বলৈ বহু দূৰ আগবাঢ়িব লাগিব।
'সন অৱ চৰ্দাৰ ২' পৰিচালনা কৰিছে বিজয় কুমাৰ অৰোৰা। অজয় দেৱগন আৰু মৃণাল ঠাকুৰৰ যোৰ প্ৰথমবাৰৰ বাবে এই ছবিখনত। ছবিখনত মৃণালে ৰাবিয়াৰ চৰিত্ৰত অভিনয় কৰিছে, আৰু দুয়োৰে মাজত থকা কেমিষ্ট্ৰী দৰ্শকে ভাল পাইছে। অজয় আৰু মৃণালৰ উপৰিও নীৰু বাজৱা, ৰোশনী ৱালিয়া, কুবৰা সাইট, দীপক ডোবৰিয়াল, সাহিল মেহতা, চাংকি পাণ্ডে, ৰবি কিষাণ আদি বহু পৰিচিত অভিনেতাই ছবিখনত গুৰুত্বপূৰ্ণ চৰিত্ৰত অভিনয় কৰিছে।
हिन्दुस्थान समाचार / আলোক চক্ৰৱৰ্তী
