অৱশেষত মুক্তি পালে টাইগাৰ শ্ৰফ আৰু সঞ্জয় দত্তৰ বহু প্ৰত্যাশিত একচন ছবি ‘বাগি ৪’ৰ ট্ৰেইলাৰ। ট্ৰেইলাৰত ৰক্তপাত, প্ৰচণ্ড যুঁজৰ ক্ৰম আৰু হাই-অক্টেন একচন দেখুওৱা হৈছে। এই কথা দেখি দৰ্শকে ‘এনিমেল’ আৰু ‘মাৰ্কো’ৰ দৰে ছবিৰ আভাসও অনুভৱ কৰে।
আমি বহু প্ৰেম কাহিনী দেখিছো আৰু শুনিছো, কিন্তু এনে একচনেৰে ভৰা প্ৰেম কাহিনী প্ৰথমবাৰৰ বাবে পোহৰলৈ আহিছে, এই সংলাপে 'বাগি ৪'ৰ ট্ৰেইলাৰক এক বেং ষ্টাৰ্ট দিয়ে। ইয়াৰ লগে লগে পৰ্দাত প্ৰৱেশ কৰে সঞ্জয় দত্ত, যিজনক তেজৰ দাগ পৰা বগা চুট পিন্ধি বিপদজনক দেখা যায়। ৩ মিনিট ৪১ ছেকেণ্ডৰ এই ট্ৰেইলাৰটো কেইটামান সংলাপৰ মাজত ৰক্তপাত আৰু গধুৰ একচন ছিকুৱেন্সেৰে ভৰি আছে।
টাইগাৰ শ্ৰফ আৰু সঞ্জয় দত্তৰ লগতে ‘বাগি ৪’ৰ ট্ৰেইলাৰতো বাকী অভিনেতা-অভিনেত্ৰীসকলৰ আভাস স্পষ্টকৈ দেখা গৈছে। সোণম বাজৱা, শ্ৰেয়াস তালপাদে, হৰনাজ কৌৰ সন্ধু আৰু সৌৰভ সচদেৱৰ দৰে তাৰকাক ইয়াত গুৰুত্বপূৰ্ণ ভূমিকাত দেখা যায়। ট্ৰেইলাৰত টাইগাৰ শ্ৰফকো কিছুমান দৃশ্যত নৌসেনাৰ এজন বিষয়াৰ অৱতাৰত দেখুওৱা হৈছে। একে সময়তে সঞ্জয় দত্তৰ চৰিত্ৰটো অতি বিপজ্জনক খলনায়কৰ, যিয়ে অনিয়ন্ত্ৰিত হিংসা আৰু ৰক্তপাতেৰে পৰ্দাত আতংক বিয়পাই দিয়ে। আমোদজনক কথাটো হ’ল, কেৱল টাইগাৰেই নহয়, সোণম বাজৱা আৰু হৰনাজ সন্ধুৱেও ছবিখনত শক্তিশালী একচন কৰা দেখা গৈছে। এ হৰ্ষৰ পৰিচালিত আৰু সাজিদ নাদিয়াদৱালাৰ প্ৰযোজনা ‘বাঘী ৪’ ছবিগৃহত ৫ ছেপ্টেম্বৰত মুক্তি পাবলৈ গৈ আছে।বিবেক অগ্নিহোত্ৰীৰ ‘দ্য বেংগল ফাইলছ’ও একেদিনাই মুক্তি পাব, যাৰ বাবে বক্স অফিচত দুয়োখন ছবিৰ মাজত কঠোৰ প্ৰতিযোগিতা দেখাৰ সম্ভাৱনা আছে।
हिन्दुस्थान समाचार / আলোক চক্ৰৱৰ্তী
