অভিনেত্ৰী মৃণাল ঠাকুৰৰ জন্মদিনৰ পাৰ্টি এইবাৰ বাতৰিৰ শিৰোনামত আছিল। দক্ষিণৰ ছুপাৰষ্টাৰ ধনুশেও এই পাৰ্টিত অংশগ্ৰহণ কৰি অনুষ্ঠানটোক আৰু অধিক বিশেষ কৰি তুলিছিল। আমোদজনক কথাটো হ’ল, শেহতীয়াকৈ মৃণাল ঠাকুৰ আৰু অজয় দেৱগনে মুখ্য চৰিত্ৰত অভিনয় কৰা ‘ছন অৱ চৰ্দাৰ ২’ ছবিখনৰ প্ৰদৰ্শনতো দেখা গৈছিল ধনুশক। এটা অনুষ্ঠানত ধনুশ আৰু মৃণালক অতি বন্ধুত্বপূৰ্ণভাৱে কথা পাতি থকা দেখা গৈছিল, যাৰ ভিডিঅ’ ছ’চিয়েল মিডিয়াত ক্ৰমাৎ ভাইৰেল হৈ পৰিছে। তেতিয়াৰ পৰাই দুয়োৰে মাজত প্ৰেমৰ সম্পৰ্কৰ উৰাবাতৰিয়ে গতি লাভ কৰিবলৈ আৰম্ভ কৰিছে।
ছ’চিয়েল মিডিয়াত ভাইৰেল হোৱা এটা ভিডিঅ’ত ধনুশ আৰু মৃণাল ঠাকুৰক কথা পাতি থকা দেখা গৈছে। ভিডিঅ’টোত মৃণাল নিজেই ধনুশৰ ওচৰলৈ গৈ কিবা এটা কোৱা দেখা গৈছে। এই ভিডিঅ'টোক লৈ ব্যৱহাৰকাৰীসকলৰ মাজত আলোচনা তীব্ৰতৰ হৈ পৰিছে। কমেণ্টত লিখা আছিল, ধনুশ আৰু মৃণাল ঠাকুৰৰ ডেটিং হৈছে নেকি? এই সন্দৰ্ভত অনুৰাগীসকলে তীব্ৰ প্ৰতিক্ৰিয়া প্ৰকাশ কৰিছে। এজন ব্যৱহাৰকাৰীয়ে লিখিছে, এতিয়ালৈকে একো নিশ্চিত হোৱা নাই, কিন্তু এইটো নিশ্চিতভাৱে এটা চিন। আনহাতে আন এজনে ক'লে, মই ভাবো তেওঁলোক কেৱল ভাল বন্ধু। এজন ব্যক্তিয়ে আচৰিত প্ৰকাশ কৰি লিখিলে, সঁচাকৈয়ে? বিশ্বাস কৰিব পৰা নাই! এই ভিডিঅ’টোৱে দুয়ো তাৰকাৰ মাজৰ সম্পৰ্কক লৈ জল্পনা-কল্পনাৰ ইন্ধন যোগাইছে।
জুলাই মাহত ধনুশৰ আগন্তুক ছবি ‘তেৰে ইছক মেইন’ৰ বাবে আয়োজন কৰা পাৰ্টিতো দেখা গৈছিল মৃণাল ঠাকুৰক। আনন্দ এল ৰায়ৰ পৰিচালনাত ধনুশৰ সৈতে মুখ্য চৰিত্ৰত অভিনয় কৰিছে কৃতি ছাননে। যোৱা ৩ জুলাইত ইনষ্টাগ্ৰামত কণিকা ধিলোনে এই অনুষ্ঠানৰ এখন ছবি শ্বেয়াৰ কৰিছিল, য’ত মৃণাল আৰু ধনুষক একেটা ফ্ৰেমত হাঁহি থকা দেখা গৈছে। ছবিখনৰ পটভূমিত ‘তেৰে ইছক মেইন’ ছবিখনৰ সমগ্ৰ দলটোও দেখা গ’ল। এই ছবিখন মুক্তি পোৱাৰ পিছত অনুৰাগীসকলে পুনৰ এই দুই অভিনেতাৰ ঘনিষ্ঠতাৰ বিষয়ে আলোচনা কৰিবলৈ আৰম্ভ কৰিছে।
‘তেৰে ইছক মেইন’ত দেখা যাব ধনুশক
ধনুশ আৰু মৃণাল ঠাকুৰে তেওঁলোকৰ প্ৰেমৰ খবৰ পাই এতিয়াও কোনো প্ৰতিক্ৰিয়া প্ৰকাশ কৰা নাই। মন কৰিবলগীয়া যে ইয়াৰ পূৰ্বে ধনুষৰ বিবাহ হৈছিল ছুপাৰষ্টাৰ ৰজনীকান্তৰ কন্যা ঐশ্বৰ্যৰ সৈতে। প্ৰায় ১৮ বছৰ একেলগে থকাৰ পিছত ২০২২ চনত দুয়োজনে পৃথক হোৱাৰ সিদ্ধান্ত লয়।ৱৰ্ক ফ্ৰণ্টৰ কথা ক’বলৈ গ’লে ধনুষক অতি সোনকালে ২৮ নৱেম্বৰত ছবিগৃহত মুক্তি পাবলগীয়া কৃতি ছাননৰ সৈতে ছবি ‘তেৰে ইছক মেই’ত দেখা যাব।
हिन्दुस्थान समाचार / আলোক চক্ৰৱৰ্তী
