টিয়ানজিন (চীন), ৩১ আগষ্ট (হি.স.)। চাংহাই সহযোগিতা সংস্থাৰ শীৰ্ষ সন্মিলনৰ বাবে চীনত উপস্থিত হোৱা প্ৰধানমন্ত্ৰী নৰেন্দ্ৰ মোদীয়ে দেওবাৰে চীনৰ ৰাষ্ট্ৰপতি ছি জিনপিঙৰ সৈতে এক গুৰুত্বপূৰ্ণ দ্বিপাক্ষিক বৈঠকত মিলিত হয়। ভাৰতৰ সময় অনুসৰি পুৱা ৯:৩০ বজাৰ পৰা আৰম্ভ হৈছিল।

এই বৈঠকত প্ৰধানমন্ত্ৰী মোদীয়ে ছ’চিয়েল মিডিয়াত আপলোড কৰিছে তেওঁৰ বক্তব্য। বৈঠকৰ সময়ত প্ৰধানমন্ত্ৰী নৰেন্দ্ৰ মোদীয়ে কয়, যোৱা বছৰ কাজানত আমাৰ মাজত এক অতি অৰ্থপূৰ্ণ আলোচনা হৈছিল। আমাৰ সম্পৰ্কই ইতিবাচক দিশ লাভ কৰিছে। সীমান্তত বিচ্ছিন্ন হোৱাৰ পিছত শান্তি আৰু স্থিতিশীলতাৰ পৰিৱেশৰ সৃষ্টি হৈছে। তেওঁ কয়, কৈলাশ মানসৰোৱৰ যাত্ৰা পুনৰ আৰম্ভ হৈছে। দুয়োখন দেশৰ মাজত প্ৰত্যক্ষ বিমান সেৱাও পুনৰ আৰম্ভ হৈছে। দুয়োখন দেশৰ ২৮ কোটি জনসাধাৰণৰ স্বাৰ্থ আমাৰ সহযোগিতাৰ সৈতে জড়িত। ইয়াৰ দ্বাৰা সমগ্ৰ মানৱ জাতিৰ কল্যাণৰ পথো প্ৰশস্ত হ'ব। আমি পাৰস্পৰিক বিশ্বাস, সন্মান আৰু সংবেদনশীলতাৰ ভিত্তিত আমাৰ সম্পৰ্কক আগুৱাই নিবলৈ প্ৰতিশ্ৰুতিবদ্ধ। চীনৰ এছচিঅ'ৰ অধ্যক্ষতা সফলতাৰ বাবে মই চীনক অভিনন্দন জনাইছো।

हिन्दुस्थान समाचार / মনোজ কুমাৰ শইকীয়া