মুম্বাই, ২৯ আগষ্ট (হি.স.)। আমেৰিকাৰ ৰাষ্ট্ৰপতি ড’নাল্ড ট্ৰাম্পে ভাৰতীয় সামগ্ৰীৰ ওপৰত ২৫ শতাংশ অতিৰিক্ত শুল্ক আৰোপ কৰাৰ সময়তে বৈদেশিক মুদ্ৰাৰ মজুত হ্ৰাস পাইছে। ২২ আগষ্টত সমাপ্ত হোৱা সপ্তাহটোত দেশৰ বৈদেশিক মুদ্ৰাৰ মজুত ৪.৩৮ বিলিয়ন ডলাৰ হ্ৰাস পাই ৬৯০.৭২ বিলিয়ন ডলাৰ হয়। বিগত সপ্তাহত মুঠ বৈদেশিক মুদ্ৰাৰ মজুত ১.৪৯ বিলিয়ন ডলাৰ বৃদ্ধি পাই ৬৯৫.১১ বিলিয়ন ডলাৰ হয়।
ভাৰতীয় ৰিজাৰ্ভ বেংকে শুকুৰবাৰে প্ৰকাশ কৰা তথ্য অনুসৰি ২২ আগষ্টত সমাপ্ত হোৱা সপ্তাহটোত বৈদেশিক মুদ্ৰাৰ মজুতৰ এটা প্ৰধান উপাদান বৈদেশিক মুদ্ৰাৰ সম্পত্তি ৩.৬৫ বিলিয়ন ডলাৰ হ্ৰাস পাই ৫৮২.২৫ বিলিয়ন ডলাৰ হৈছে। এই সময়ছোৱাত সোণৰ মজুতৰ মূল্য ৬৬৫ মিলিয়ন ডলাৰ হ্ৰাস পাই ৮৫ বিলিয়ন ডলাৰ হৈছে। তথ্য অনুসৰি এই সময়ছোৱাত বিশেষ ড্ৰয়িং ৰাইটছ (SDR) ৪৬ মিলিয়ন ডলাৰ হ্ৰাস পাই ১৮.৭৪ বিলিয়ন ডলাৰ হৈছে। আৰ বি আইৰ তথ্য অনুসৰি ২২ আগষ্টত সমাপ্ত হোৱা সপ্তাহটোত আন্তঃৰাষ্ট্ৰীয় মুদ্ৰা নিধি (আই এম এফ)ৰ সৈতে ভাৰতৰ ৰিজাৰ্ভ ২৩ মিলিয়ন ডলাৰ হ্ৰাস পাই ৪.৭৩ বিলিয়ন ডলাৰ হৈছে।
২০২৪ চনৰ ছেপ্টেম্বৰৰ শেষৰ ফালে দেশখনৰ বৈদেশিক মুদ্ৰাৰ মজুত সৰ্বকালৰ সৰ্বোচ্চ ৭০৪.৮৮ বিলিয়ন ডলাৰলৈ বৃদ্ধি পাইছিল।
হিন্দুস্থান সমাচাৰ / মনোজ কুমাৰ শইকীয়া
