নতুন দিল্লী, ১৬ জুলাই (হি.স.)। গ্লোবেল মাৰ্কেটত আজি দুৰ্বলতাৰ লক্ষণ দেখা গৈছে। যোৱা অধিবেশনত আমেৰিকাৰ বজাৰসমূহ মিশ্ৰিত ফলাফলৰ সৈতে বন্ধ হৈ পৰে। অৱশ্যে আজি ডাউ জ’নৰ ফ্যুচাৰ তললৈ নামিছে। যোৱা অধিবেশনত ইউৰোপীয় বজাৰত বিক্ৰীৰ হেঁচা অবিৰত আছিল। আনহাতে আজি এছিয়াৰ বজাৰত মিশ্ৰিত ব্যৱসায় চলি আছে।

আমেৰিকাত খুচুৰা মুদ্ৰাস্ফীতিৰ পৰিসংখ্যা উন্নত হোৱাৰ পিছতো যোৱা অধিবেশনৰ সময়ছোৱাত অবিৰত হেঁচা আছিল। ডাউ জ’নছ ৪৫০ পইণ্ট হ্ৰাস পায়। একেদৰে এছ এণ্ড পি ৫০০ সূচকাংকই যোৱা অধিবেশনৰ ব্যৱসায়ৰ অন্ত পেলাই ০.৪০ শতাংশ দুৰ্বলতাৰে ৬,২৪৩.৭৬ পইণ্টত। ইয়াৰ বিপৰীতে নাছডাক ০.১৮ শতাংশ বৃদ্ধিৰে ২০,৬৭৭.৮০ পইণ্টত বন্ধ হয়। বৰ্তমান ডাউ জ’নছ ফিউচাৰ্ছৰ মূল্য ০.১২ শতাংশ দুৰ্বলতাৰে ৪৩,৯৬৮.৪৮ পইণ্টত ব্যৱসায় কৰা হৈছে।

যোৱা অধিবেশনত ইউৰোপীয় বজাৰত অহৰহ হেঁচা আছিল। এফ টি এছ ই সূচকাংক ০.৬৭ শতাংশ হ্ৰাস পাই ৮,৯৩৮.৩২ পইণ্টত বন্ধ হয়। একেদৰে যোৱা অধিবেশনত ০.৫৪ শতাংশ দুৰ্বলতাৰে চিএচি সূচকাংক ৭,৭৬৬.২১ পইণ্টত সমাপ্ত হয়। ইয়াৰ উপৰিও ডেক্স সূচকাংক ১০০.৩৫ পইণ্ট অৰ্থাৎ ০.৪২ শতাংশ হ্ৰাস পাই ২৪,০৬০.২৯ পইণ্টত বন্ধ হয়।

আজি এছিয়াৰ বজাৰত মিশ্ৰিত ব্যৱসায় দেখা গৈছে। এছিয়াৰ ৯খন বজাৰৰ ভিতৰত ৬টা সূচকাংকই বৃদ্ধিৰ সৈতে সেউজীয়া ৰঙত ব্যৱসায় কৰি আছে, আনহাতে ৩টা সূচকাংক হ্ৰাসৰ সৈতে ৰঙা ৰঙত ব্যৱসায় কৰি আছে। গিফ্ট নিফটিৰ মূল্য ০.২৪ শতাংশ দুৰ্বলতাৰে ২৫,২০৪.৫০ পইণ্টত ব্যৱসায় কৰা হৈছে। একেদৰে কস্পি সূচকাংক ০.৬২ শতাংশ হ্ৰাস পাই ৩১৯৫.৪৬ পইণ্টত আৰু চাংহাই কম্পোজিট সূচকাংক ০.১২ শতাংশ হ্ৰাস পাই ৩৫০০.৬২ পইণ্টত ব্যৱসায় কৰা হৈছে।

আনহাতে, নিকেই সূচকাংক ০.১৭ শতাংশ বৃদ্ধিৰে ৩৯,৭৪৫.২৬ পইণ্টত ব্যৱসায় কৰা হৈছে। একেদৰে ষ্ট্ৰেইটছ টাইমছৰ সূচকাংক ০.২৩ শতাংশ জপিয়াই ৪,১২৯.৪৮ পইণ্টত উপনীত হৈছে। টাইৱান ওজনযুক্ত সূচকাংকে আজি ডাঙৰ জঁপিয়াই পৰিছে। বৰ্তমান এই সূচকাংক ২১৫.১১ পইণ্ট অৰ্থাৎ ০.৯৪ শতাংশ বৃদ্ধিৰে ২৩,০৫১.০৫ পইণ্টত উপনীত হৈছে। একেদৰে হাং চেং সূচকাংক ১১৩.৯৩ পইণ্ট বা ০.৪৬ শতাংশ বৃদ্ধিৰে ২৪,৭০৪.০৫ পইণ্টত ব্যৱসায় কৰা হৈছে। ইয়াৰ উপৰিও জাকাৰ্টা কম্পোজিট সূচকাংক ০.৪৫ শতাংশ বৃদ্ধিৰে ৭,১৭২.৮৮ পইণ্টত আৰু চেট কম্পোজিট ইনডেক্স ০.৩৪ শতাংশ বৃদ্ধিৰে ১১৬৪.৯৭ পইণ্টত ব্যৱসায় কৰা হৈছে।

हिन्दुस्थान समाचार / মনোজ কুমাৰ শইকীয়া