জম্মু, ১৩ জুলাই, (হি.স.)। দক্ষিণ কাশ্মীৰ হিমালয়ত অৱস্থিত পবিত্ৰ অমৰনাথ গুহা মন্দিৰত দৰ্শনৰ বাবে দেওবাৰে জম্মুৰ ভাগৱতী নগৰ ঘাটি শিবিৰৰ পৰা ৭০৪৯ জনীয়া দ্বাদশ তীৰ্থযাত্ৰী ৰাওনা হয়।

বিষয়াসকলে জনোৱা মতে, পুৱাৰ ভাগত কটকটীয়া নিৰাপত্তাৰ ব্যৱস্থাৰ মাজতে ১৪২৩গৰাকী মহিলা, ৩১গৰাকী শিশু আৰু ১৩৬গৰাকী সাধু আৰু সাধ্বীসহ তীৰ্থযাত্ৰীসকলে পৃথক পৃথক কনভয়ৰে অনন্তনাগৰ নুনৱান-পেহেলগাম আৰু গণ্ডাৰবলৰ বালতাল বেছ কেম্পলৈ ৰাওনা হয়।

বিষয়াসকলে জনোৱা মতে, ১৪৮খন বাহনৰ কনভয়ত ৪১৫৮জন তীৰ্থযাত্ৰী পেহেলগাম বেছ কেম্পলৈ যোৱাৰ বিপৰীতে ১৩৮খন বাহনেৰে ২৮৯১জন তীৰ্থযাত্ৰীয়ে বালতাল পথটো পছন্দ কৰিছে।

৩৮৮০ মিটাৰ উচ্চতাৰ পবিত্ৰ গুহা মন্দিৰলৈ যোৱা ৩ জুলাইৰ পৰা দুয়োটা পথৰ পৰা আৰম্ভ হোৱা ৩৮ দিনীয়া বাৰ্ষিক তীৰ্থযাত্ৰা ৯ আগষ্টত ৰক্ষা বন্ধনৰ দিনা সমাপ্ত হ’ব। বৰ্তমানলৈকে প্ৰায় ১.৮৩ লাখ তীৰ্থযাত্ৰী এই মন্দিৰত উপস্থিত হৈছে য’ত প্ৰতি বছৰে প্ৰাকৃতিকভাৱে শিৱলিংগ গুড়ি উঠে।

हिन्दुस्थान समाचार / মনোজ কুমাৰ শইকীয়া