বলীউডৰ বাদশ্বাহ শ্বাহৰুখ খান কেৱল এজন মহান অভিনেতা নহয় বৰঞ্চ মহান চিনেমাৰ প্ৰতি গভীৰ বোধ থকা শিল্পী হিচাপেও গণ্য কৰা হয়। তেওঁৰ অনুৰাগী কেৱল ভাৰততে নহয় সমগ্ৰ বিশ্বতে আছে। শেহতীয়াকৈ শ্বাহৰুখ খানে তনভি দ্য গ্ৰেট ছবিখনৰ ট্ৰেইলাৰ দেখিছিল, যিটো ছবি তেওঁ ইমানেই ভাল পাইছিল যে তেওঁ লগে লগে প্ৰশংসা কৰিছিল। তেওঁ কেৱল ছ’চিয়েল মিডিয়াত ছবিখনক প্ৰশংসা কৰাই নহয়, ইয়াৰ পৰিচালনা আৰু অভিনয়কো বিশেষ আখ্যা দিয়ে। আমোদজনক কথাটো হ’ল এই ছবিখন শ্বাহৰুখৰ ঘনিষ্ঠ বন্ধুৰ দ্বাৰা পৰিচালিত হোৱাৰ লগতে তেওঁ ছবিখনতো অভিনয় কৰিছে। শ্বাহৰুখৰ প্ৰতিক্ৰিয়াই ছবিখনৰ প্ৰতি মানুহৰ কৌতুহল আৰু অধিক বৃদ্ধি কৰিছে।
চাৰি দশকৰো অধিক সময় ধৰি অভিনয়েৰে হিন্দী চিনেমাক চহকী কৰি তোলা প্ৰবীণ অভিনেতা অনুপম খেৰে পৰিচালনা কৰিছে ‘তনৱী দ্য গ্ৰেট’ ছবিখন। এতিয়া আকৌ এবাৰ অনুপম খেৰ ঘূৰি আহিছে পৰিচালনাৰ জগতলৈ। শেহতীয়াকৈ এই ছবিখনৰ ট্ৰেইলাৰ মুকলি কৰা হয়, যিয়ে কেইঘণ্টামানৰ ভিতৰতে প্ৰচণ্ড সঁহাৰি লাভ কৰিবলৈ আৰম্ভ কৰে।
শ্বাহৰুখ খানেও ছবিখনক লৈ নিজৰ অনুভৱ প্ৰকাশ কৰে। তেওঁ নিজৰ এক্স হেণ্ডেলত অনুপম খেৰৰ বাবে এটা বিশেষ পোষ্ট কৰি লিখিছে, মোৰ বন্ধু অনুপম খেৰ, যিয়ে সদায় ৰিস্ক ল'বলৈ ভয় নকৰে, সেয়া অভিনয়েই হওক, পৰিচালনাই হওক বা জীৱনেই হওক। 'তনভি দ্য গ্ৰেট'ৰ ট্ৰেইলাৰটো আচৰিত। এই সুন্দৰ যাত্ৰাৰ বাবে মোৰ শুভেচ্ছা! শ্বাহৰুখৰ এই প্ৰশংসাই ছবিখনৰ হুলস্থুল বৃদ্ধি কৰাই নহয়, অনুপম খেৰৰ পৰিচালিত এই কাহিনীটোৰ প্ৰতি দৰ্শকৰ কৌতুহল দুগুণে বৃদ্ধি কৰিছে।
‘তনৱী দ্য গ্ৰেট’ এখন আৱেগিক আৰু হৃদয়স্পৰ্শী ছবি, য’ত মুখ্য চৰিত্ৰত অভিনয় কৰিছে শুভংগী দত্তই। ছবিখনত তনৱীৰ চৰিত্ৰত দেখা পোৱাৰ বিপৰীতে অনুপম খেৰে ককাদেউতাকৰ চৰিত্ৰত অভিনয় কৰিছে। ছবিখনত বোমন ইৰানী, জেকী শ্ৰফ, পল্লৱ যোশী আৰু অৰবিন্দৰ দৰে অভিজ্ঞ অভিনেতাকো গুৰুত্বপূৰ্ণ চৰিত্ৰত অভিনয় কৰিব, যিয়ে কাহিনীত অধিক গভীৰতা বৃদ্ধি কৰিব। ২০২৫ চনৰ ১৮ জুলাইত ছবিগৃহত মুক্তি পাব ‘তনভি দ্য গ্ৰেট’ ছবিখনৰ ট্ৰেইলাৰে ইতিমধ্যে দৰ্শকৰ হৃদয় চুই গৈছে আৰু শ্বাহৰুখ খানে প্ৰশংসা কৰাৰ পিছৰে পৰা ছবিখনক লৈ অনুৰাগীসকল আৰু অধিক উৎসাহিত হৈ পৰিছে।
হিন্দুস্থান সমাচাৰ / মনোজ কুমাৰ শইকীয়া
