কিয়েভ (ইউক্ৰেইন), ০৬ জুন (হি.স.)। ইউক্ৰেইনৰ ৰাজধানী কিয়েভত ড্ৰোন আৰু ক্ৰুজ মিছাইল আক্ৰমণ কৰি ৰাছিয়াই বৃহৎ ক্ষতিসাধন কৰিছে। ৰাছিয়াৰ এই আক্ৰমণত কেইবাটাও মেট্ৰ’ ৰেলপথৰ ক্ষতিসাধন হৈছে। নিশাৰ এই আক্ৰমণত কমেও তিনিজন সাধাৰণ নাগৰিক আহত হৈছে। কিছুদিন ধৰি ইউক্ৰেইন আৰু ৰাছিয়াৰ মাজত আক্ৰমণ বৃদ্ধি পাইছে।
এবিচি নিউজৰ তথ্য অনুসৰি ইউক্ৰেইনৰ বায়ুসেনাই কিয়েভত বেলিষ্টিক মিছাইল আক্ৰমণৰ বাতৰি প্ৰকাশ কৰিছে। ইউক্ৰেইনে কয় যে কিয়েভত বায়ু প্ৰতিৰক্ষা ব্যৱস্থা সক্ৰিয় কৰা হৈছে। কিয়েভৰ মেয়ৰ ভিটালি ক্লিচ্কোৱে কয় যে ৰাছিয়াৰ নিশাৰ আক্ৰমণত তিনিজন লোক আহত হৈছে। টেলিগ্ৰামত এটা পোষ্টত তেওঁ কয় যে ৰাছিয়াৰ ড্ৰ’নে কিয়েভত প্ৰৱেশ কৰিছে। নিৰাপদ আশ্ৰয় শিবিৰত থাকিবলৈ আহ্বান জনোৱা হৈছে। ক্লিচ্চকোৱে অলপ পিছত কয় যে আহতসকলৰ ভিতৰত দুজনক চিকিৎসালয়ত ভৰ্তি কৰা হৈছে। এজনৰ থিতাতে চিকিৎসা কৰা হয়।
কিয়েভ চহৰৰ সামৰিক প্ৰশাসনৰ মুৰব্বী টাইমুৰ টকাচেংকোৱে টেলিগ্ৰাম পোষ্টত কয় যে ৰাজধানী কিয়েভৰ দুটা ষ্টেচনৰ মাজৰ মেট্ৰ’ ট্ৰেক ৰাছিয়াৰ আক্ৰমণত ক্ষতিগ্ৰস্ত হৈছে। সৌভাগ্যক্ৰমে কোনো অগ্নিকাণ্ড হোৱা নাই আৰু কোনো লোক হতাহতিও হোৱা নাছিল। ইয়াৰ পূৰ্বে টকাচেংকোৱে কিয়েভত যৌথ আক্ৰমণ আৰম্ভ হোৱা বুলি জনাইছিল। এয়াৰ ডিফেন্স চিষ্টেম সক্ৰিয় কৰা হৈছে।
ইউক্ৰেইনৰ বায়ুসেনাই স্থানীয় ইউক্ৰেইনৰ সময় অনুসৰি পুৱা প্ৰায় ৪:৩০ বজাত ইউক্ৰেইনৰ লুটস্ক, চেৰ্নিহিভ, লভিভ আৰু ৰিভনে অঞ্চলত ক্ৰুজ মিছাইল নিক্ষেপ কৰাৰ বাতৰি প্ৰকাশ কৰিছে। চেৰ্নিহিভত লক্ষ্য কৰি লোৱা হৈছিল এটা ওখ অট্টালিকা। চেৰ্নিহিভ চহৰৰ সামৰিক প্ৰশাসনৰ মুৰব্বী ডিমিট্ৰি ব্ৰীজিনস্কিয়ে কয় যে চহৰখনত এতিয়াও আক্ৰমণ চলি আছে।
ইউক্ৰেইন আৰু ৰাছিয়াৰ মাজত আক্ৰমণ বৃদ্ধি পোৱাৰ সময়তে আমেৰিকাই আৰম্ভ কৰা শান্তি আলোচনা ব্যৰ্থ হৈছে। সোমবাৰে তুৰস্কৰ ইস্তানবুলত দ্বিতীয় পৰ্যায়ৰ আলোচনাৰ বাবে ইউক্ৰেইন আৰু ৰাছিয়াৰ উচ্চ পৰ্যায়ৰ প্ৰতিনিধি দলৰ বৈঠক। ইয়াৰ পিছতে বুধবাৰে ৰাছিয়াৰ ৰাষ্ট্ৰপতি ভ্লাদিমিৰ পুটিন আৰু আমেৰিকাৰ ৰাষ্ট্ৰপতি ড’নাল্ড ট্ৰাম্পেও ফোনযোগে আলোচনা কৰে।
ইফালে, এবিচি নিউজে উপগ্ৰহৰ চিত্ৰৰ অধ্যয়নৰ পৰা দাবী কৰিছে যে ৰাছিয়াৰ বিৰুদ্ধে ইউক্ৰেইনৰ ড্ৰ’ন আক্ৰমণত কমেও ১১খন ৰাছিয়াৰ বোমাৰু বিমান আৰু এখন বৃহৎ পৰিবহণ বিমান বেয়াকৈ ক্ষতিগ্ৰস্ত হৈছে বা ধ্বংস হৈছে। ইউক্ৰেইনৰ ৰাষ্ট্ৰপতি ভ্লাদিমিৰ জেলেনস্কিয়ে এই গোপন অভিযানক ইতিহাসৰ কিতাপত লিপিবদ্ধ হ’বলগীয়া অভিযান বুলি অভিহিত কৰিছে।
हिन्दुस्थान समाचार / মনোজ কুমাৰ শইকীয়া
