টেল আভিভ, ২০ জুন (হি.স.)। ইৰাণ-ইজৰাইলৰ সামৰিক সংঘাত আজি অষ্টম দিনত ভৰি দিলে। ইজৰাইলে চলোৱা বিমান আক্ৰমণৰ প্ৰতিশোধৰ জুইত জ্বলি থকা ইৰাণে বিধ্বংসী ৰূপ ধাৰণ কৰিছে। ইৰাণে আৰম্ভ কৰিছে বেলিষ্টিক মিছাইল নিক্ষেপ। বেৰশ্বেবা চহৰৰ এখন টেক পাৰ্কৰ সমীপত পৰিল ইৰাণৰ আন এটা ক্ষেপণাস্ত্ৰ। ইয়াৰ পিছত বিস্ফোৰণ আৰু অগ্নিকাণ্ডৰ ফলত যথেষ্ট ক্ষতিসাধন হৈছে। এই ঠাইখন মাইক্ৰ’ছফ্টৰ কাৰ্যালয়ৰ ওচৰত।

দ্য টাইমছ অৱ ইজৰাইল কাকতৰ তথ্য অনুসৰি বেৰছেবাত ইৰাণৰ এটা ক্ষেপণাস্ত্ৰ পৰি গৈছে। ইয়াৰ ফলত বহু ক্ষতি হৈছে যদিও কোনো লোক আহত হোৱাৰ কোনো তথ্য তাৎক্ষণিকভাৱে পোৱা নাই। ইজৰাইল প্ৰতিৰক্ষা বাহিনীয়ে সাধাৰণ নাগৰিকক জনাইছে যে তেওঁলোকে বেৰচেবাত থকা আশ্ৰয় শিবিৰ এৰি যাব পাৰে। খবৰ অনুসৰি বেৰচেবা চহৰ আৰু ইয়াৰ আশে-পাশে থকা চহৰসমূহত এতিয়াও আক্ৰমণৰ ছাইৰেন বাজি আছে। আইডিএফে কয় যে তেওঁলোকৰ প্ৰতিৰক্ষা ব্যৱস্থাই ইৰাণৰ ক্ষেপণাস্ত্ৰ নিষ্ক্ৰিয় কৰিবলৈ কাম কৰি আছে।

আমেৰিকাৰ চিএনএন চেনেলৰ খবৰ অনুসৰি আইডিএফে কয় যে বেৰচেবাৰ জুই নিৰ্বাপন কৰা হৈছে। আটক কৰা হৈছে ইৰাণৰ এটা ক্ষেপণাস্ত্ৰ। টেক পাৰ্কৰ সমীপত সংঘটিত বিস্ফোৰণৰ পিছত এই অগ্নিকাণ্ড সংঘটিত হয়। ইয়াত মাইক্ৰ’ছফ্ট অফিচ আছে। ইজৰাইল আৰক্ষীয়ে জনোৱা মতে, দক্ষিণ জিলাখনৰ মুকলি ঠাইত গোলাবাৰুদ পৰি যোৱাৰ খবৰ পোৱা গৈছে। ইয়াৰ ফলত স্থাৱৰ আৰু স্থাৱৰ সম্পত্তিৰ ক্ষতি হৈছে। উল্লেখযোগ্য যে কালি ইৰাণৰ আক্ৰমণত বেৰশ্বেবাৰ মূল চিকিৎসালয় ছ’ৰোকা মেডিকেল চেণ্টাৰ ক্ষতিগ্ৰস্ত হয়। বেৰচেবা নেগেভ মৰুভূমিত। ইজৰাইলৰ নেভাটিম এয়াৰ বেছ ইয়াত অৱস্থিত।

ইৰাণৰ চৰকাৰী সংবাদ সংস্থা মেহৰে প্ৰকাশ কৰা অনুসৰি ৰাষ্ট্ৰসংঘত ইছলামিক ৰিপাব্লিক অৱ ইৰাণৰ মিছনে ছ’ৰোকা মেডিকেল চেণ্টাৰক লক্ষ্য কৰি লোৱাৰ অভিযোগ নাকচ কৰে। ইৰাণে আন্তঃৰাষ্ট্ৰীয় আইন অনুসৰি আত্মৰক্ষাৰ ক্ষেত্ৰত ব্যৱস্থা গ্ৰহণ কৰিছে বুলি মিছনটোৱে প্ৰকাশ কৰে। এই যুদ্ধ সন্দৰ্ভত ইৰাণৰ প্ৰাক্তন বৈদেশিক মন্ত্ৰী মহম্মদ জাভাদ জাৰিফে কয় যে এতিয়া ইৰাণ ইছলামিক ৰিপাব্লিকে সিদ্ধান্ত ল’ব যে যুদ্ধ কেনেকৈ শেষ হ’ব।

ইৰাণৰ সংবাদ সংস্থা তাছনিমে প্ৰকাশ কৰা অনুসৰি ইজৰাইলৰ বিৰুদ্ধে ইৰাণৰ প্ৰতিশোধমূলক সামৰিক আক্ৰমণৰ নতুন ৰাউণ্ড বৃহস্পতিবাৰে সন্ধিয়া বেলিষ্টিক মিছাইল আৰু ড্ৰ’নৰ জাকেৰে আৰম্ভ কৰা বুলি ঘোষণা কৰে ইৰাণৰ সংবাদ সংস্থা তাছনিমে। হাইফা আৰু টেল আভিভৰ ইজৰাইলৰ সামৰিক উদ্যোগৰ সৈতে জড়িত সামৰিক ঘাটি আৰু ঔদ্যোগিক স্থানসমূহক লক্ষ্য কৰি লোৱা হৈছিল।

हिन्दुस्थान समाचार / মনোজ কুমাৰ শইকীয়া