শেহতীয়াকৈ মুক্তি পোৱা ছবি ‘থাগ লাইফ’ৰ বাবে এইকেইদিন বাতৰিৰ শিৰোনাম দখল কৰিছে কমল হাছানে। ছবিখনে এতিয়া দৰ্শকৰ কাষ চাপিছে আৰু সমালোচক আৰু দৰ্শকৰ পৰা মিশ্ৰিত সঁহাৰি লাভ কৰিছে। অৱশ্যে ছবিখনে বক্স অফিচত আশা কৰা ধৰণে প্ৰদৰ্শন কৰা নাই। দিন পাৰ হোৱাৰ লগে লগে ছবিখনৰ উপাৰ্জনৰ গতি লেহেমীয়া হৈ আহিছে। এতিয়া পঞ্চম দিনা ছবিখনৰ উপাৰ্জনৰ পৰিসংখ্যা ওলাইছে, য’ত স্পষ্ট হ্ৰাস পোৱা গৈছে।
বক্স অফিচৰ ট্ৰেকাৰ ছাকনিলকৰ মতে, কমল হাছানৰ ছবি ‘থাগ লাইফ’ মুক্তিৰ পঞ্চম দিনা অৰ্থাৎ প্ৰথম সোমবাৰে ৩.২৫ কোটি টকা উপাৰ্জন কৰে। ইয়াৰ লগে লগে ছবিখনৰ বক্স অফিচৰ মুঠ সংগ্ৰহ এতিয়া ৪০.১৫ কোটি টকা হৈছেগৈ। প্ৰথম দিনাই ছবিখনৰ ওপেনিং আছিল ৩৬.৯০ কোটি টকা, যিটো মান্য বুলি গণ্য কৰা হয়। দ্বিতীয় দিনা ছবিখনে ৭.১৫ কোটি, তৃতীয় দিনা ৭.৭৫ কোটি আৰু চতুৰ্থ দিনত ৬.৫ কোটি টকা উপাৰ্জন কৰে। এতিয়া চাব লাগিব আগন্তুক দিনত ছবিখনৰ উপাৰ্জন সুস্থিৰ হৈ থাকিব নে আৰু হ্ৰাস পাব।
‘থগ লাইফ’ৰ পৰিচালনাৰ দায়িত্ব ল’লে বিখ্যাত চলচ্চিত্ৰ নিৰ্মাতা মণি ৰত্নমে ‘দিল ছে’ আৰু ‘পনিয়িন চেলভান’ৰ দৰে উৎকৃষ্ট ছবিৰ বাবে পৰিচিত। এই ছবিখনৰ কাহিনী মণি ৰত্নম আৰু কমল হাছানে একেলগে লিখিছে, আৰু দুয়োজনেই এই প্ৰকল্পৰ সহ-প্ৰযোজকও। কমল হাছানৰ লগতে চিলাম্বৰাসন, তৃষা কৃষ্ণন, অভিৰামীৰ দৰে অভিনেতাই নিজৰ উজ্জ্বল অভিনয়েৰে ছবিখনক জীৱন কঢ়িয়াই আনিছে। বাজেটৰ কথা ক’বলৈ গ’লে ১৮০ কোটি টকাৰে নিৰ্মাণ কৰা হৈছে ‘থগ লাইফ’।
हिन्दुस्थान समाचार / আলোক চক্ৰৱৰ্তী
