ৱাশ্বিংটন, ১২ মে’ (হি.স.)। আমেৰিকাৰ ৰাষ্ট্ৰপতি ড’নাল্ড ট্ৰাম্পে অতি শীঘ্ৰে এয়াৰ ফৰ্চ ৱানৰ পৰিৱৰ্তে বয়িং ৭৪৭-৮ জাম্বো জেটত উঠি যোৱা দেখা যাব । বয়িং ৭৪৭-৮ জাম্বো জেট কাটাৰৰ। কাটাৰৰ ৰাজকীয় পৰিয়ালে তেওঁক উপহাৰ হিচাপে দিবলৈ ওলাইছে বয়িং ৭৪৭-৮ জাম্বো জেট বিমান। এইখন অতি মূল্যৱান আৰু বিলাসী বিমান। ইয়াক হাৱাই মহল আৰু উৰণ মহল বুলিও কোৱা হয়।
এবিচি নিউজ চেনেলৰ বাতৰি অনুসৰি এজন জ্যেষ্ঠ বিষয়াই নিশ্চিত কৰিছে যে এয়া হ’ব আমেৰিকা চৰকাৰৰ বাবে এতিয়ালৈকে হোৱা আটাইতকৈ ডাঙৰ বিদেশী উপহাৰ। কাটাৰৰ ৰাজপৰিয়ালৰ পৰা ইয়াক গ্ৰহণ কৰিবলৈ সাজু হৈছে ট্ৰাম্প প্ৰশাসন। ৰাষ্ট্ৰপতি ড’নাল্ড ট্ৰাম্পে কাৰ্যভাৰ এৰি যোৱাৰ কিছু সময়ৰ পূৰ্বে নতুন এয়াৰ ফৰ্চ ৱান হিচাপে ব্যৱহাৰৰ বাবে উপলব্ধ হ’ব এটা উপহাৰ। সেই সময়ত বিমানখনৰ মালিকীস্বত্ব ট্ৰাম্প প্ৰেচিডেন্সিয়েল লাইব্ৰেৰী ফাউণ্ডেশ্যনলৈ হস্তান্তৰ কৰা হ’ব।
দেওবাৰে নিশা ছ’চিয়েল মিডিয়াত এটা পোষ্টত ট্ৰাম্পে নিশ্চিত কৰে যে তেওঁৰ প্ৰশাসনে বিমানখন গ্ৰহণ কৰিবলৈ সাজু হৈছে। তেওঁ ইয়াক প্ৰতিৰক্ষা বিভাগৰ সৈতে অতি ৰাজহুৱা আৰু স্বচ্ছ লেনদেন বুলি অভিহিত কৰে। ইতিমধ্যে ট্ৰাম্পে ফেব্ৰুৱাৰী মাহত এই বিমানখন পৰিদৰ্শন কৰিছে। এইখন ইমানেই চমকপ্ৰদ আৰু সুসজ্জিত যে ইয়াক হাৱাই মহলা আৰু উৰণ মহল বুলি কোৱা হয়। ফেব্ৰুৱাৰী মাহত ৱেষ্ট পাম বিচ আন্তঃৰাষ্ট্ৰীয় বিমানবন্দৰত ৰখাই থোৱা হৈছিল। ট্ৰাম্পে তেতিয়া এইখন দেখা পাইছিল।
এই উপহাৰ গ্ৰহণ কৰাৰ সন্দৰ্ভত উত্থাপিত প্ৰশ্নসমূহৰ সন্দৰ্ভত ন্যায় বিভাগৰ অধিবক্তাই প্ৰতিৰক্ষা সচিব পিট হেগছেথক জনাইছে যে প্ৰতিৰক্ষা বিভাগে বিমানখন উপহাৰ হিচাপে গ্ৰহণ কৰি পিছত ট্ৰাম্প লাইব্ৰেৰীত গতাই দিয়াটো বৈধ। ইয়াৰ দ্বাৰা উৎকোচৰ বিৰুদ্ধে আইন বা সংবিধানৰ কোনো আমেৰিকা চৰকাৰী বিষয়াই কোনো ৰজা, ৰাজকুমাৰ বা বিদেশী ৰাষ্ট্ৰৰ পৰা উপহাৰ গ্ৰহণ কৰাত নিষেধাজ্ঞা (দৰমহাৰ দফা) উলংঘা কৰা নহয়।
হিন্দুস্থান সমাচাৰ / মনোজ কুমাৰ শইকীয়া
