নতুন দিল্লী, ০৮ এপ্ৰিল (হি.স.)। প্ৰধানমন্ত্ৰী নৰেন্দ্ৰ মোদীয়ে ব্ৰহ্ম কুমাৰীৰ সন্মানীয় আধ্যাত্মিক নেত্ৰী ৰতন মোহিনী জীৰ মৃত্যুত শোক প্ৰকাশ কৰিছে। মোদীয়ে কয় যে তেওঁক পোহৰ, প্ৰজ্ঞা আৰু মমতাৰ এক প্ৰতিমূৰ্তি হিচাপে স্মৰণ কৰা হ’ব। তেওঁ ব্ৰহ্ম কুমাৰীৰ বিশ্বব্যাপী আন্দোলনত আইতাৰ উৎকৃষ্ট নেতৃত্বৰ প্ৰশংসাও কৰে। তেওঁৰ সৈতে হোৱা ব্যক্তিগত আদান-প্ৰদানৰ কথা সোঁৱৰাই প্ৰধানমন্ত্ৰীয়ে কয় যে তেওঁৰ জীৱন আৰু শিক্ষাই শান্তি বিচৰা আৰু আমাৰ সমাজৰ উন্নতি সাধন কৰিব বিচৰা সকলোৰে বাবে বাট পোহৰাই ৰাখিব।

এটা পোষ্টত প্ৰধানমন্ত্ৰীয়ে কয়, ‘আইতা ৰতন মোহিনী জীৰ আছিল এক অগম্য আধ্যাত্মিক উপস্থিতি। তেওঁক পোহৰ, প্ৰজ্ঞা আৰু মমতাৰ প্ৰতিমূৰ্তি হিচাপে স্মৰণ কৰা হ’ব। গভীৰ বিশ্বাস, সৰলতা আৰু সেৱাৰ প্ৰতি অদম্য দায়বদ্ধতাৰ শিপাই থকা তেওঁৰ জীৱন যাত্ৰাই অনাগত সময়ত বহুতকে অনুপ্ৰাণিত কৰিব। তেওঁ ব্ৰহ্ম কুমাৰীৰ বিশ্ব আন্দোলনক আদৰ্শ নেতৃত্ব প্ৰদান কৰিছিল। তেওঁৰ বিনম্ৰতা, ধৈৰ্য্য, চিন্তাধাৰাৰ স্পষ্টতা আৰু দয়া সদায় পৃথক আছিল। আমাৰ সমাজখন উন্নত কৰা আৰু শান্তি বিচৰাসকলৰ বাবে তেওঁই আদৰ্শই পথ প্ৰদৰ্শন কৰি যাব। মই তেওঁৰ সৈতে হোৱা কথা-বতৰা কেতিয়াও নাপাহাৰো।”

হিন্দুস্থান সমাচাৰ / মনোজ কুমাৰ শইকীয়া