নতুন দিল্লী, ০৩ এপ্ৰিল (হি.স.)। বিশ্বৰ দ্বিতীয় স্থানৰ টেনিছ খেলুৱৈ ইগা ছুয়াটেকে আগন্তুক বিলি জিন কিং কাপৰ কোৱালিফাইং প্ৰতিযোগিতাৰ পৰা আঁতৰি আহিছে। বুধবাৰে তেওঁ ছ’চিয়েল মিডিয়াত এই কথা ঘোষণা কৰে।

২৩ বছৰীয়া ছুয়াটেকে কয় যে তেওঁৰ কেৰিয়াৰ আৰু স্বাস্থ্যৰ ওপৰত গুৰুত্ব দিবলৈ অধিক সময়ৰ প্ৰয়োজন, যাৰ অৰ্থ হ’ল তেওঁ ১০-১২ এপ্ৰিলত পোলেণ্ডৰ ৰাডম চহৰত ছুইজাৰলেণ্ড আৰু ইউক্ৰেইনৰ বিৰুদ্ধে ৰাষ্ট্ৰীয় দলৰ হৈ খেলিব নোৱাৰিব।

ছুৱেটেকে কয় যে মই জানো যে এই তথ্য অনুৰাগীৰ বাবে বিশেষকৈ পোলেণ্ডৰ অনুৰাগীৰ বাবে হতাশাজনক হ’ব পাৰে, কিন্তু এই মুহূৰ্তত মোৰ বাবে এইটো সঠিক সিদ্ধান্ত।

লগতে কয়, মই সদায় মোৰ দেশক গৌৰৱেৰে প্ৰতিনিধিত্ব কৰো। যোৱা বছৰ মই দেশৰ হৈ সকলো ডাঙৰ প্ৰতিযোগিতা খেলিছিলো। বিজেচিৰ ছেমি ফাইনেল আৰু ইউনাইটেড কাপৰ ফাইনেলত দলটোৰ ঐতিহাসিক সফলতাৰ বাবে মই গৌৰৱান্বিত। এতিয়া মোৰ বাবে ভাৰসাম্য বজাই ৰখাৰ সময় আহি পৰিছে, নিজৰ ওপৰত মনোনিৱেশ কৰাৰ সময় আহি পৰিছে। মোৰ দল আৰু সকলো খেলুৱৈৰ বাবে মই শুভকামনা জনাইছো।

পাঁচবাৰৰ গ্ৰেণ্ড শ্লেম চেম্পিয়ন ছুইয়াটেকে শেহতীয়াকৈ মিয়ামি অ’পেনৰ কোৱাৰ্টাৰ ফাইনেলত ফিলিপাইনছৰ ১৯ বছৰীয়া আলেকজেণ্ড্ৰা ইয়ালাৰ হাতত পৰাস্ত হয়।

हिन्दुस्थान समाचार / মনোজ কুমাৰ শইকীয়া