তামুলপুৰ,০৩ এপ্ৰিল (হি.স.)। বিটিচিত ক্ৰমাত বৃদ্ধি পাইছে ৰাজনৈতিক গৰম বতাহ। আগন্তুক চেপ্তেম্বৰ/অক্টোবৰ মাহত বিটিচি পৰিষদীয় নিৰ্বাচন অনুষ্ঠিত হ'ব বুলি মুখ্যমন্ত্ৰী ঘোষণা কৰাৰ পিছতেই আন আন ৰাজনৈতিক দল সমূহৰ সমান্তৰালভাৱে বিপিএফ দলেও জোৰদাৰ ভাৱে নামি পৰিছে ৰাজনীতিৰ পথাৰ খনত।
প্ৰাক্তন এনডিএফবি সকলক দিয়া প্ৰতিশ্ৰুতিও পালন কৰা নাই প্ৰমোদ বড়োৱে। বিটিআৰ খনক চুইজাৰলেণ্ডলৈ ৰুপান্তৰ কৰিম বুলি দম্ভালি মৰা প্ৰমোদ বড়োৱে কলেজ এখনো প্ৰাদেশিকীকৰণ কৰিবলৈ সক্ষম হোৱা নাই। বিটিচি ৰ প্লেন ফাণ্ডৰ পইচাৰে দৰমহা দিব লগা হোৱা কলেজক প্ৰভিঞ্চেলাইজ শব্দ ব্যৱহাৰ কৰিছে। প্ৰভিঞ্চেলাইজ হোৱা বুলি ঘোকাট মিছা মাতিছে প্ৰমোদ বড়োৱে। ঘৰে ঘৰে চাকৰি দিয়া, মাতি বাৰীৰ সমস্যা একো সমাধান কৰিব পৰা নাই- ৰাইজে বুজি উঠিছে সেই বোৰ যে এক মিত্থাচাৰ আছিল।
তামুলপুৰৰ প্ৰাক্তন বিধায়ক ইমানুৱেল মুছাহাৰী আজি এইদৰে কঠোৰ সমালোচনা কৰে বিটিচি মুৰব্বী প্ৰমোদ বড়োক। তামুলপুৰৰ প্ৰাক্তন বিধায়ক ইমানুৱেল মুছাহাৰীয়ে আজি তামুলপুৰৰ প্ৰাক্তন সৈনিক সন্থাৰ ভৱনত এখন মতবিনিময় সভাত অংশগ্ৰহণ কৰি বিটিচি পৰিষদীয় নিৰ্বাচন সম্পৰ্কত বিপিএফ দলৰ লগতে তামুলপুৰৰ গয়বাৰী আৰু দৰঙাজুলি পৰিষদীয় সমষ্টিৰ ওপৰত তেখেতৰ স্থিতি স্পষ্ট কৰে।
গয়বাৰী আৰু দৰঙাজুলি পৰিষদীয় সমষ্টিত ইমানুৱেল মোছাহাৰী বিপিএফ দলৰ পৰা প্ৰতিদন্দিতা কৰিব। বিটিচি চুক্তি আৰু বিটিআৰ চুক্তিৰ পাৰ্থক্য সম্পৰ্কত আলোচনা ইমানুৱেল মুছাহাৰীৰ।
বিটিচি ত নতুনকৈ গঠন হোৱা অল্টাৰনেটিভ পাৰ্টী অফ বড়োলেণ্ড সম্পৰ্কতো প্ৰাক্তন বিধায়ক গৰাকীৰ মন্তব্য প্ৰকাশ। ইনফাষ্ট্ৰাক্সাৰৰ ক্ষেত্ৰত প্ৰমোদ বড়ো চৰকাৰে একো কৰিব পৰা নাই হাগ্ৰামাই বনোৱা ঘৰৰ পৰাই চৰকাৰ চলাই আছে।
হিন্দুস্থান সমাচাৰ / প্ৰকাশ ডেকা
